WELCOME TO PANNAGAM.COM & PTV

பண்ணாகம் இணையம்

News-6

சிறிலங்கா அரசுடன் மீண்டும் மீண்டும் தேன் நிலவுக்குச் சென்று வெறும் கையுடன் திரும்பி வந்து தம்மையும் ஏமாற்றி மக்களையும் அவமதிக்கும் செயல் தேவைதானா? என தமிழர் விடுதலைக் கூட்டணி கடும் தொனியில் கருத்து வெளியிட்டுள்ளது.

மீண்டும் ஒருமுறை தமிழ்க் கட்சிகள் சில, சிறிலங்கா அரசுடன் ஒரு நிபந்தனை அற்ற பேச்சுக்குத் தயாராகி வருகின்றன எனத் தெரிவித்து தமிழ்க் கட்சிகளின் தலைமைகள் தொடர்பில் இவ்வாறு கடுமையான கருத்து வெளியிடப்பட்டுள்ளது.

இது தொடர்பில் அந்தக் கூட்டணியின் தலைவர் பரமசிவம் சிறீதரன் விடுத்துள்ள ஊடக அறிக்கையிலேயே இவ்வாறு தெரிவிக்கப்பட்டுள்ளது.

அந்த அறிக்கையில் மேலும் குறிப்பிடப்பட்டுள்ளதாவது,

“தமிழர்களுடைய உரிமைகளுக்கான விடுதலைப் போராட்டத்தில் ஐம்பது ஆயிரத்துக்கும் மேற்பட்ட இளைஞர்களும் யுவதிகளும் இனத்தின் எதிர்காலத்துக்காகத் தமது உயிர்களை விதைத்திருக்கிறார்கள்.

பல ஆயிரம் உயிர்களும் பலகோடி சொத்துக்களும் இழப்பு

அவர்களுடன் இருநூறு ஆயிரத்துக்கும் மேற்பட்ட பொதுமக்களும் தமது உயிர்களைத் தியாகம் செய்திருக்கிறார்கள். பலகோடி பெறுமதியான சொத்துக்களையும் நாம் இழந்திருக்கிறோம்.

எமது உறவுகள் உலகம் முழுவதும் சிதறுண்டு போய் இருக்கிறார்கள். இப்படியான இழப்புக்களுடன் கூடிய ஒரு இனத்தின் சார்பில் இதனுடன் சம்பந்தமே இல்லாத ஒரு பிரிவினரும், இதன் வலிகளைப் புரிந்துகொள்ளாத ஒரு பிரிவினரும் வலி சுமந்த தமிழர்கள் சார்பில் முடிவுகளை எடுத்து அவர்கள் மேல் சுமத்தும் முயற்சிகளைத் தமிழர் விடுதலைக் கூட்டணி வன்மையாகக் கண்டிக்கின்றது.

சுயநிர்ணய உரிமையுடன் கூடிய சுயாட்சி அதிகாரமுள்ள இணைப்பாட்சி அடிப்படையிலான அரசொன்று தமிழர்களின் மரபுவழித் தாயகத்தில் அமைப்பதற்கான ஒரு முதற்கட்ட இணக்கப்பாட்டை அரசு வெளிப்படுத்தாதவரை தமிழர் தரப்பு பேச்சுக்குச் செல்லக் கூடாது என்பதே எமது நிலைப்பாடு” என அந்த அறிக்கையில் மேலும் தெரிவிக்கப்பட்டுள்ளது.

2021ம் கல்வி ஆண்­டுக்­கான கல்விப் பொது­த­ரா­தர சாதா­ரண தரப் பரீட்சை பெறு­பே­றுகள் வெளியாகியுள்ளது.
இந்தப் பரீட்சையில் 9A பெற்ற பண்ணாகம் மாணவர்களையும்  அதே போல நாடு முழுவதும் உள்ள சிறந்த மணவர்களையும்  பண்ணாகம்.கொம் பாராட்டி வாழ்த்துகிறது.

2021ம் கல்வி ஆண்­டுக்­கான கல்விப் பொது­த­ரா­தர சாதா­ரண தரப் பரீட்சை பெறு­பே­றுகள் வெளியாகியுள்ளது.

https://www.doenets.lk/exam results எனும் இணையத்தளத்தில் பரீட்சை பெறுபேறுகளை பார்வையிட முடியும் .

2021 ஆம் கல்வியாண்டுக்கான கல்விப் பொதுத் தராதர சாதாரண பரீட்சை கடந்த மே மாதம் நடைபெற்றது.

17486 பரீட்சார்த்திகள்

இந்தப் பரீட்சையில் ஐந்து இலட்சத்து 17 ஆயிரத்து 486 பரீட்சார்த்திகள் தோற்றியிருந்தமை குறிப்பிடத்தக்கது.


அதிக புள்ளிகள் பெற்ற பண்ணாகம் மாணவர்கள்

மகிந்தா அபர்ணிகா 9A E,M 
தனேஸ் லேகா 9A 
 குமரேஸ்வரன் ஆதித்தன் 9A E,M 
செந்தில்குமார் நிதர்சன் 9A 
 சிவரூபன் பவித்திரா 9A E,M 
மோகனராஜன் சஞ்சீவ் 8A B

முதலாம் ஆண்டு மாணவர்களுக்கு ஆங்கில மொழியின் நடைமுறைப் பயன்பாட்டை மார்ச் 2023 முதல் ஆரம்பிக்கத் திட்டமிடப்பட்டுள்ளது.

இந்த வேலைத்திட்டத்தை நடைமுறைப்படுத்த ஆசிரியர்களுக்கு பயிற்சி வழங்கும் நிகழ்வு நேற்று கல்வி அமைச்சர் சுசில் பிரேமஜயந்த தலைமையில் ஆரம்பமானது.

இதற்காக நாடளாவிய ரீதியில் சுமார் 450 பயிற்றுவிப்பாளர்கள் தெரிவு செய்யப்பட்டு முறையான பயிற்சிகளை வழங்கிய பின்னர், அவர்கள் முதலாம் வகுப்பிற்கு கற்பிக்கும் ஆசிரியர்களுக்கு பயிற்சியளிக்கவுள்ளனர்.

2023 ஆம் ஆண்டின் முதல் பாடசாலை தவணை

இந்த மாகாண ஆசிரியர் பயிற்சித் திட்டத்தின் பின்னர், 2023 ஆம் ஆண்டின் முதல் பாடசாலை தவணை முதல் நடைமுறைச் செயற்பாடுகளின் அடிப்படையில் ஆங்கில மொழியைப் பயன்படுத்தும் வேலைத்திட்டம் நடைமுறைப்படுத்தப்படும் என அறிவிக்கப்பட்டுள்ளது.

ஐக்கிய மக்கள் சக்தியின் மகளிர் அணி தேசிய அமைப்பாளர் ஹிருணிகா பிரேமச்சந்திர சற்றுமுன் கைது செய்யப்பட்டுள்ளார்.

அத்துடன் கொழும்பில் வீதி நாடகத்தில் ஈடுபட்ட அனைவரும் கைது செய்யப்பட்டுள்ளனர்.

அவர்களை கறுவாத்தோட்ட காவல்துறை கைது செய்துள்ளனர்.


பெண்களுக்கு எதிரான வன்முறைகளுக்கு எதிர்ப்பு தெரிவிக்கும் வகையில் கொழும்பில் அமைந்துள்ள ஐக்கிய நாடுகள் காரியாலயத்திற்கு முன்பாக ஆர்ப்பாட்டம் ஒன்று முன்னெடுக்கப்பட்டுள்ளது.

இந்த ஆர்ப்பாட்டம் இன்று காலை முன்னெடுக்கப்பட்டுள்ளதாகத் தெரிவிக்கப்பட்டுள்ளது.

இந்தப் போராட்டத்தில் கொழும்பில் காவல்துறையினரைப் போன்று உடையணிந்து வீதிநாடகம் மேற்கொண்ட இருவரை கறுவாத்தோட்ட காவல்துறையினர் கைது செய்துள்ளனர்.

இது தொடர்பில் மேலும் தெரியவருகையில், 

பெண்களுக்கு எதிரான வன்முறைகளுக்கு எதிர்ப்பு தெரிவிக்கும் வகையில் கொழும்பில் ஐ.நா முன்பாக வீதி நாடகங்கள் நடத்தப்பட்டு வருகின்றன. 

காவல்துறை குவிப்பு

இதனை ஐக்கிய மக்கள் சக்தியின் மகளிர் அணியினர் முன்னெடுத்துள்ளனர். இதில் பெண்கள் செம்மஞ்சள் நிற உடை மற்றும் செம்மஞ்சள் நிற பட்டி அணிந்து, செம்மஞ்சள் நிற கொடிகளை ஏந்திய வண்ணம் கலந்து கொண்டனர்.

இவ்வாறான நிலையில், அப்பகுதியில் பெருமளவில் காவல்துறையினர் குவிக்கப்பட்டுள்ளனர் எனவும் தெரிவிக்கப்பட்டுள்ளது.

அதனையடுத்து, கொழும்பு - மாகமசேகர மாவத்தை பகுதியில் அமைதியின்மை ஏற்பட்டுள்ளது. குறித்த இடத்தில் வீதி நாடகம் நடத்த வேண்டாம் என காவல்துறையினர் அறிவுறுத்திய நிலையில் அதனையும் மீறி ஹிருணிகா உள்ளிட்ட குழுவினர் வீதி நாடகத்தை மேற்கொள்ளும் நடவடிக்கையில் ஈடுபட்டுள்ளமையாலேயே அங்கு அமைதியின்மை ஏற்பட்டுள்ளது.

கைது

அத்துடன் அறிவுறுத்தலை மீறி நடந்து கொண்டதாக தெரிவித்து, காவல்துறையினரைப் போன்று உடையணிந்து வீதிநாடகம் மேற்கொண்ட இருவரை கறுவாத்தோட்ட காவல்துறையினர் கைது செய்துள்ளனர்.

அதனையடுத்து ஹிருணிகா உள்ளிட்ட பெண்கள் குழுவினர் அனைவரும் காவல்நிலையத்திற்கு சென்று காவல்துறையினருடன் வாக்குவாதத்தில் ஈடுபட்டதுடன், தம்மையும் கைது செய்யுமாறும் வலியுறுத்தியுள்ளனர்.

அமைதியின்மை

இதன்காரணமாக அமைதியின்மை ஏற்பட்டுள்ளது. இதனை தொடர்ந்து வீதிநாடகத்தில் ஈடுபட்ட அனைவரையும் கைது செய்யுமாறு வலியுறுத்தி காவல் நிலையத்திற்கு முன்பாக அமர்ந்து அதில் கலந்து கொண்ட பெண்கள் அனைவரும் அமைதி போராட்டத்தை முன்னெடுத்து வருகின்றனர் என்பதும் குறிப்பிடத்தக்கது.

கன்று ஈனாமலேயே பசு ஒன்று 24 மணி நேரமும் பால் கறப்பதை மக்கள் அதிசயத்துடன் பார்த்து செல்கின்றனர்.

தமிழகம் திண்டுக்கல் மாவட்டம் வடமதுரை அருகே உள்ள நந்தவனப்பட்டியை சேர்ந்தவர் பெருமாள் என்பவர் கன்றுக்குட்டி ஒன்றை வாங்கி வளர்த்து வந்திருக்கிறார். குறிப்பிடத்தகுந்த அளவு அந்த கன்றுக்குட்டி வளர்ந்த உடன் பால் கறக்க தொடங்கியிருக்கிறது.

தெய்வீக சக்தி வாய்ந்த பசு

கன்று ஈனாமலும் சினை ஊசியும் போடாமலும் தனது பசுமாடு பால்கறப்பதை அதிசயத்துடன் பார்த்திருக்கிறார் பெருமாள். தொடர்ந்து அவ்வப்போது மாட்டையும் பரிசோதிக்க 24 மணி நேரமும் அந்த பசு மாடு பால் கறப்பதை கண்டு அதிசயப்பட்டிருக்கிறார் அவர்.

சில நாட்களிலேயே இந்த செய்தி அந்த வட்டாரம் முழுவதும் பரவி இருக்கிறது. இதனையடுத்து 24 மணி நேரமும் பால் கறக்கும் இந்த பசு மாட்டை காண பொதுமக்கள் வந்தவண்ணம் இருக்கிறார்கள். மாட்டின் காலில் விழுந்து ஆசிர்வாதம் வாங்கும் பொதுமக்கள், இந்த மாடு தெய்வீக சக்தி வாய்ந்தது என்றும் நம்புகிறார்கள்.

அனைத்து பிரச்சினைகளும் தீர்ந்தது

இந்த மாட்டை தினந்தோறும் குளிப்பாட்டி மஞ்சள், குங்குமத்தோடு அலங்கரிக்கும் பெருமாள். இதன் பாலை ஊர் மக்களுக்கும் அளித்துவருகிறார். இதுபற்றி பேசிய பெருமாள்,"நான் கூலிவேலை செய்துவந்தேன். முன்னர் பலவித பிரச்சினைகளில் சிக்கி கஷ்டப்பட்டு வந்தேன். இந்த பசு வந்தபிறகு அனைத்து பிரச்சினைகளும் தீர்ந்துள்ளது.

தற்போது ஒரு முதலாளி ஆனதுபோல் நம்பிக்கையோடு உள்ளேன். இந்த பசுவை காண தினந்தோறும் பல்வேறு ஊர்களில் இருந்து பொதுமக்கள் வந்து செல்கின்றனர். அதன்மூலம் அவர்கள் நன்மை அடைந்தும் வருகின்றனர். இது எங்களுக்கும் மகிழ்ச்சியாக உள்ளது" என்கிறார்.

அதிசய பசுவைக் காண படையெடுக்கும் மக்கள்  

இந்த கிராமத்தை சேர்ந்த மக்கள் தங்களது வீடுகளில் ஏதேனும் கஷ்டம் என்றால் இந்த பசு மாட்டிற்கு கீரைக்கட்டு, புல் மற்றும் தீவனங்களை அளித்து அதன் காலில் விழுந்து வழிபட்டால் கஷ்டங்கள் குறையும் எனவும் நம்புகிறார்கள். இந்த அதிசய பசுவைக் காண பல்வேறு ஊர்களில் இருந்தும் மக்கள் பெருமாளின் வீட்டுக்கு வந்து செல்கின்றனர்.

கொழும்பு, புறக்கோட்டை - பெஸ்டியன் மாவத்தை பகுதியில் காவல்துறையினர் குவிக்கப்பட்டுள்ளதுடன், நீர்த்தாரை மற்றும் கண்ணீர்ப்புகை பிரயோகம் மேற்கொள்வதற்கான ஏற்பாடுகளும் செய்யப்பட்டுள்ளன.

ஆர்ப்பாட்ட பேரணி கோட்டை புகையிரத நிலையத்தை அடைவதை தடுக்கும் வண்ணமே காவல்துறையினர் இவ்வாறான பாதுகாப்பு நடவடிக்கையை முன்னெடுத்துள்ளனர்.

இந்த நிலையில், பாதையை விட்டு விலகுமாறு வலியுறுத்தும் ஆர்ப்பாட்டக்காரர்கள் காவல்துறையினரின் தடையை மீறி முன்னேற முற்பட்டு வருகின்றனர்.


இதனால் அப்பகுதியில் பதற்றமான சூழல் நிலவி வருவதுடன், பாதுகாப்பு தரப்பும் ஆர்ப்பாட்டக்காரர்களும் தள்ளுமுள்ளில் ஈடுபட்டுள்ளதாக அங்கிருந்து கிடைக்கும் தகவல் தெரிவிக்கின்றன.

ஆர்ப்பாட்டம் காரணமாக மருதானை - புறக்கோட்டை வீதியூடான போக்குவரத்து தடைப்பட்டுள்ளது.

முதலாம் இணைப்பு

கொழும்பு - மருதானை எல்பின்ஸ்டோன் திரையரங்கிற்கு முன்பாக ஆர்ப்பாட்டம் சற்றுமுன் ஆரம்பமாகியுள்ளது.

அரசாங்கத்தின் அடக்குமுறைக்கு எதிராக இந்த ஆர்ப்பாட்டம் மேற்கொள்ளப்படும் நிலையில் ஆர்ப்பாட்ட பேரணியாக இந்த ஆர்ப்பாட்டம் முன்னெடுக்கப்படவுள்ளது.

இந்த நிலையில் அம்பேபுஸ்ஸ உள்ளிட்ட பகுதிகளில் இருந்து கொழும்பிற்கு வந்துள்ள மக்கள் மருதானையில் ஒன்றுகூடியுள்ள நிலையில் தற்போது காலிமுகத்திடல் பகுதிக்கு செல்லவுள்ளதாக அறிவித்துள்ளனர்.

இவ்வாறானதொரு சூழலில் கொழும்பின் முக்கிய பகுதிகளில் பாதுகாப்பும் பலப்படுத்தப்பட்டுள்ளமை குறிப்பிடத்தக்கது. 

அத்துடன் கொழும்பின் முக்கிய பகுதிகளில் வீதித்தடைகளை மேற்கொள்வதற்கான நடவடிக்கை முன்னெடுக்கப்பட்டுள்ளது.

சில வீதிகளை முடக்கும் பணிகளும் முன்னெடுக்கப்பட்டு வருவதாக அங்கிருக்கும் எமது செய்தியாளர் தெரிவித்தார்.

மேலும், கோட்டை புகையிரத நிலையத்திற்கு முன்பாக அல்லது அதற்கருகில் போராட்டத்தை நடத்துவதற்கு அனுமதி வழங்குவதில்லை என காவல்துறையினர் ஆர்ப்பாட்டக்காரர்களுக்கு அறிவித்துள்ளனர். 


சொந்த நாட்டிற்கு தன்னிச்சையாக திரும்ப மறுத்தால், அவர்களை இடம் மாற்ற பிரித்தானியா முடிவு செய்துள்ளதாக தகவல் வெளியாகியுள்ளது.

சாகோஸ் தீவுக்கூட்டங்களில் உள்ள டியாகோ கார்சியாவில் சுமார் 120 இலங்கையர்கள் தங்க வைக்கப்பட்டுள்ளனர்.

இந் நிலையில் புகலிடக்கோரிக்கையாளர்களை இன்னொரு மூன்றாவது நாட்டிற்கு பத்திரமாக அனுப்பி வைக்க பிரித்தானியா முடிவு செய்துள்ளதாக தகவல் வெளியாகியுள்ளது.

ஆனால் எந்த நாட்டிற்கு என உறுதியான தகவலை வெளியிட பிரித்தானிய நிர்வாகம் மறுத்துள்ளது.

சுமார் 120 இலங்கையர்கள்

தற்போது சாகோஸ் தீவுக்கூட்டங்களில் உள்ள டியாகோ கார்சியாவில் சுமார் 120 இலங்கையர்கள் தங்க வைக்கப்பட்டுள்ளனர்.

சாகோஸ் தீவுக்கூட்டமானது மொரிஷியஸ் மற்றும் பிரித்தானியா இடையே உரிமை கொண்டாடப்படும் பகுதியாகும்.

ஏற்கனவே, சாகோஸ் தீவுக்கூட்டம் மொரிஷியஸ் நாட்டுக்கு சொந்தம் எனவும், அதை சொந்தம் கொண்டாடாமல் அவர்களிடம் ஒப்படைக்க ஐக்கிய நாடுகள் மன்றம் வலியுறுத்தியுள்ளது.

தற்போது அந்த தீவில் தான் இலங்கையர்கள் 120 பேர்கள் தங்க வைக்கப்பட்டுள்ளனர்.

தஞ்சமளிக்க பிரித்தானியா மறுப்பு

இவர்களுக்கு தஞ்சமளிக்க பிரித்தானியா மறுப்பதுடன், மூன்றாவது நாட்டிற்கு அனுப்பி வைப்பது தொடர்பில் தற்போது விவாதத்தை ஏற்படுத்தியுள்ளது.

இதனிடையே, விவாதத்திற்குரிய சாகோஸ் தீவில் தங்க வைக்கப்பட்டிருந்த 60 இலங்கையர்கள் தன்னிச்சையாக சொந்த நாடு திரும்பியுள்ளதாக பிரித்தானிய வெளிவிவகார, பொதுநலவாய மற்றும் அபிவிருத்தி அலுவலக அமைச்சர் ஜெஸ்ஸி நார்மன் அண்மையில் நாடாளுமன்றத்தில் தெரிவித்துள்ளார் என்பது குறிப்பிடத்தக்கது.



பண்ணாகம் அண்ணா கலைமன்றத்தின் முன்பள்ளி விளையாட்டு விழா 2022

பண்ணாகம் முன்பள்ளி விளையாட்டு விழா 29.3.2022 மாலை 3.00 மணிக்கு முன்பள்ளி மைதானத்தில் நடைபெற்றது. பிரதமவிருந்தினராக பண்ணாகம்.கொம் பிரதம ஆசிரியர் ஊடகவித்தகர் திரு.இக.கிருஷ்ணமூர்த்தி அவர்கள் கலந்து மங்கலவிளக்கேற்றி, பாடசாலையை நிர்வகிக்கும் அண்ணா கலை மன்றக் கொடியேற்றி  விளையாட்டுக்களை ஆரம்பித்தார். மன்றத்தலைவர் திரு.குகலிங்கம் அவர்கள் தலைமையில் விழா நடைபெற்றது . வரவேற்புரையை திரு .தி.சிறீஸ்காந்தமூர்த்தி அவர்களும் நன்றியுரையை செயலாளர் திரு.அஜித்குமார் அவர்களும் நிகழ்த்தினார். பிரதவிருந்தினர் இக,கிருஷ்ணமூர்த்தி அவர்கள் பிரதம உரையாற்றினார் மற்றும் போசகர் பொறியியலாளர் திரு.த,துரைலிங்கம் அவர்களும், முன்பள்ளி இணைப்பாளர்  திருமதி சத்தியரூபி அவர்களும், மன்ற உறுப்பினர்கள் து.அருள்லிங்கம், திரு.குமரகுரு ஆகியோர் உரையாற்றினார் பாடசாலையில் படிக்கும் அனைத்து மாணவர்களும் விளையாட்டுப் போட்டியில் பங்கு கொண்டு பல பரிசில்களைப் பெற்றனர்.விசேட வரவேற்புரையை தமிழிலும் ஆங்கிலத்திலும் இரண்டு மாணவர்கள் மிகத் திறமையாக நிகழ்த்தினர் அவர்களை ஊக்குவிக்க பிரதமவிருந்தினர் தலா 1000ரூபாய்களை வழங்கி சிறுவர்களைக் கொளரவித்ததைப் பலர் பாராட்டினர். விழாவில் இறுதியில் விணோதஉடைப்போட்டி நடைபெற்றது. விழாவில் பல பொதுமக்கள்  கலந்து சிறப்பித்தார்கள்.