WELCOME TO PANNAGAM.COM & PTV

பண்ணாகம் இணையம்

News-6

மேதினக் கூட்டம் தொடர்பில் ஆலையடிவேம்பு கலாசாரமண்டபத்தில் நடைபெற்ற கட்சியின் முக்கியஸ்தர்களுடனான கலந்துரையாடல் நடைபெற்றது.

அம்பாறை மாவட்ட தமிழ்த்தேசிய கூட்டமைப்பின் பாராளுமன்ற  உறுப்பினர் கவீந்திரன் கோடீஸ்வரன் தலைமையில் நடைபெற்ற இக்கலந்துரையாடலில் தமிழரசுக்கட்சியின் பொதுச் செயலாளரும் மாகாண அமைச்சருமான கி.துரைராஜசிங்கம் மட்டக்களப்பு மாவட்ட தமிழ்த்தேசிய கூட்டமைப்பின் பாராளுமன்ற உறுப்பினர்களான ஞா.ஸ்ரீநேசன், எஸ்.வியாழேந்திரன் முன்னாள் பாராளுமன்ற உறுப்பினர்களான பொன் செல்வராசா, பா.அரியேந்திரன் கிழக்குமாகாண சபை உறுப்பினர் ரி.கலையராசன்;, மு.இராஜேஸ்வரன் உள்ளிட்ட மாகாண சபை உறுப்பினர்கள் கட்சியின் முக்கியஸ்தர்கள் என பலரும் கலந்துகொண்டனர்.

நடைபெறும் தேசிய மேதின கூட்டத்தில் தமிழ்த் தேசியக் கூட்டமைப்பின் தலைவரும் எதிர்க்கட்சித் தலைவருமான இரா.சம்பந்தன் உள்ளிட்ட தமிழ்த் தேசியக் கூட்டமைப்பின் அங்கம் வகிக்கும் பல்வேறு கட்சிகளின் தலைவர்கள்; வடகிழக்கின் தமிழ்த் தேசியக் கூட்டமைப்பின் உறுப்பினர்கள் என பலரும் கலந்து கொள்ளவுள்ளவுள்ளனர்.

மேதின ஊர்வலம் அக்கரைப்பற்று மருதடி மாணிக்கப்பிள்ளையார் ஆலயத்தின் முன்பாக ஆரம்பித்து மத்திய சந்தை சதுக்கத்தின் ஊடாக சாகாம வீதியூடாக பயணித்து ஆலையடிவேம்பு  கலாசார மண்டபத்தை சென்றடையவுள்ளது.

அம்பாறை மாவட்ட தமிழர்களினதும் தொழிலாளர்களினதும் ஒற்றுமையையும் பலத்தையும் உலகறியச் செய்யும் இக்கூட்டத்தில் அனைவரும் கலந்துகொள்வது காலத்தின் கட்டாயமாகவுள்ளதோடு அதற்கான சிறந்த ஒரு சந்தர்ப்பமாக இக்கூட்டத்தினை பயன்படுத்தி கொள்ளுமாறு கோரப்பட்டுள்ளது. 

ஜேர்மனியில் கால்பந்து வீரர்கள் பயணித்த பேருந்து மீது தாக்குதல் நடத்தப்பட்டதன் காரணம் இஸ்லாமிய ஆதரவு பயங்கரவாதமாக இருக்கலாம் என அதிகாரிகள் அச்சம் தெரிவித்துள்ளனர்.

ஜேர்மனியில் Borussia Dortmund கால்பந்து அணியினர் பயணம் செய்த பேருந்து மீது குறிவைத்து தாக்குதல் நடத்தப்பட்டது.

தாக்குதல் நடத்தப்பட்ட 3 பகுதியில் இருந்தும் ஒற்றை எழுத்து ஒன்றை பொலிசார் கண்டெடுத்துள்ளனர்.

குறித்த எழுத்தானது 2016 ஆம் ஆண்டு பெர்லின் நகரில் அமைந்துள்ள அங்காடி மீது நடத்தப்பட்ட தாக்குதலுடன் தொடர்புடையது எனவும் பொலிசார் திட்டவட்டமாக தெரிவித்துள்ளனர்.

பெர்லின் தாக்குதலுக்கு முக்கிய காரணியாக செயல்பட்டது ஐ.எஸ் அமைப்பாகும். சிரியாவில் ஜேர்மன் விமானப்படைக்கு சொந்தமான விமானங்களை பயன்படுத்துவதற்கு எதிர்ப்பு தெரிவித்து குறித்த தாக்குதலை ஐ.எஸ் ஆதரவு பயங்கரவாதிகள் மேற்கொண்டனர்.

ஜேர்மனி மொழியில் குறிக்கப்பட்ட அந்த எழுத்தானது இப்படி துவங்குகிறது, அல்லாவின் பெயரால், மிக்க அருள் நிறைந்தவர், நிகரற்ற அன்புடையோன்.

குறிப்பிட்ட எழுத்தை தொடர்பு படுத்தியே விசாரணையை அதிகாரிகள் முடுக்கிவிட்டுள்ளனர். மட்டுமின்றி குறுப்பிட்ட எழுத்துக்கு இஸ்லாமிய குழுக்களுடன் தொடர்பு உள்ளனவா எனவும் விசாரணை மேற்கொள்ளப்பட்டு வருகிறது.

இருப்பினும் இதுவரை உறுதிப்படுத்தப்பட்ட தகவல்கள் எதுவும் விசாரணை அதிகாரிகள் தரப்பில் வெளியிடப்படவில்லை.

எகிப்தில் உள்ள புகழ்பெற்ற தேவாலயத்தின் வாசலில் வெடித்த வெடிகுண்டில் 21 பேர் உயிரிழந்ததுடன், 38 பேர் காயம் அடைந்துள்ளனர்.

எகிப்த்தின் தலைநகரான வடக்கு Cairo பகுதியில் உள்ள உலக புகழ்பெற்ற St George Coptic தேவாலயத்தில் இன்று பெருமளவு மக்கள் கூடியிருந்தனர்.

பலர் இறை வழிபாட்டில் ஈடுபட்டிருந்தனர். அப்போது தேவாலயத்தின் வாசலில் சக்தி வாய்ந்த வெடிகுண்டு வெடித்தது. இதில் அந்த இடத்தை சுற்றியிருந்த 21 பேர் சம்பவ இடத்திலேயே பலியானார்கள். 38 பேர் படுகாயம் அடைந்தனர்.

உடனே சம்பவ இடத்துக்கு வந்த மீட்பு குழு காயமடைந்தவர்களை மருத்துவமனைக்கு தூக்கி சென்றனர்.

இந்த வெடிகுண்டு தாக்குதலுக்கு இன்னும் எந்த தீவிரவாத இயக்கமும் பொறுப்பேற்கவில்லை.

அந்த பகுதி முழுவதும் பொலிஸ் பாதுகாப்பு பலப்படுத்தப்பட்டுள்ளது.

எகிப்தில் 10 சதவீதம் அளவு கிறிஸ்துவர்கள் உள்ளார்கள். இவர்கள் மீது இஸ்லாமிய தீவிரவாதிகள் தொடர்ந்து தாக்குதல் மேற்கொண்டு வருகிறார்கள்.

கடந்த வருடம் எகிப்தில் நடந்த தற்கொலை தாக்குதலில் பெண்கள், குழந்தைகள் உட்பட 25 பேர் கொல்லப்பட்டது குறிப்பிடத்தக்கது.


வடக்கு மாகாண முதலமைச்சர் சி.வி.விக்னேஸ்வரனுக்கும் ஐரோப்பிய ஒன்றிய தலைமை அதிகாரி பவுல் காட்ஃபிரேவுக்கும் இடையிலான சந்திப்பொன்று சற்று முன்னர் ஆரம்பித்துள்ளது.

இச் சந்திப்பானது, வடக்கு மாகாண முதலமைச்சரின் உத்தியோகபூர்வ இல்லத்தில் இடம்பெற்று வருகிறது.

குறித்த சந்திப்பில் வடக்கு மாகாண நிலமைகள் தொடர்பில் ஆராயப்பட்டு வருவதாக தெரிவிக்கப்படுகிறது.

செய்தி அலசல்
வணிகம் வேறு அரசியல் வேறு

நடிகர் ரஜனிகாந்த் இலங்கை செல்வதை தடுத்த தமிழக அரசியல்வாதிகளின்  அணுகுமுறைக்கும், அவர் ஏன் இலங்கை செல்லக்கூடாது என்பதை அவரை அவதானித்த அவதானிப்பினால் எழுந்த ஈழத்தமிழரின் நலன் நோக்கிய ஈழத்தமிழரின் அக்கறைக்கும் பாரிய வேறுபாடு உண்டு.
லைக்காக நிறுவனத்தை கத்தி படத்திலிருந்தே விமர்சிக்கத் தொடங்கினார்கள், விரல்விட்டு எண்ணக்கூடிய தமிழக அரசியல்வாதிகள்.
ஏன் விமர்சிக்கத் தொடங்கினார்கள் என்றால் இந்நிறுவனம் இந்திய திரைப்படங்களை தயாரிக்கும் வேலைத்திட்டத்தை கொண்டிருந்தமையை, ஈழத்தமிழர்களான இவர்கள் எப்படி எங்கள் சினிமாவுக்குள் வர முடியும் என்ற காழ்ப்புணர்வே காரணம் ஆகும்.
இதில் அரசியல்வாதிகளை அம்பாக பயன்படுத்தியிருக்கிறார்கள் தமிழக  திரைப் படத்தயாரிப்பார்கள். தமிழக திரைப் படத் தயாரிப்பார்கள் தயாரிக்கும் படங்களை காலம் காலமாக  ஈழத்திலும் புலம்பெயர்ந்து வாழும் ஈழத்தமிழர்களும் அதிக பணம் கொடுத்து வாங்கிப் பார்த்து உங்கள் படங்களுக்கு வெளிநாட்டுச் சந்தையாக இருக்கும் ஈழத்தமிழர்களில் ஒருவரின் வணிக நிறுவனம் ஏன் தமிழகத்தில் திரைப்படங்களைத் தயாரிக்க முடியாது  என்பதே எமது பக்கம் இருக்கும் கேள்வி.
இந்தப் பகை உணர்வை மூடிமறைத்து லைக்கா நிறுவனத்தை இலங்கையின் முன்னாள் ஜனாதிபதியின் நண்பராக காட்ட முயற்சிப்பதும் எதிர்ப்புத் தெரிவிப்பதும ; தமிழக அரசியல்வாதிகளினதும்  ஊடகங்களினதும் மிக மிக கீழ்த்தரமான அணுகுமுறையாகும்.
வணிக நிறுவனமென்றால் என்ன என்பதும் அதன் அடிப்படைக் கூறுகள் என்பது பற்றிய புரிதல் வேண்டும், தெளிவு வேண்டும்.
1.ஒரு உற்பத்தியாளர் தனது  நாட்டிலே  உற்பத்தி செய்யும் பொருட்களுக்கு அந்த நாட்டிலேயே மொத்த வியாபார சந்தையை ஏற்படுத்தி அந்த நாட்டில் மட்டுமே வியாபாரம் செய்வது.
2. ஒரு உற்பத்தியாளர் தனது உற்பத்தியை தனது நாட்டிலும் உலக நாடுகளிலும், அந்தந்த நாடுகளில் மொத்த வியாபாரச் சந்தையையும் முகவர்களையும் எற்படுத்தி தனது பொருட்களை விற்பது வணிகத்தைப் பெருக்குவது மற்றைய நாடுகளில் உள்ள மக்களை பயன்பாட்டாளர்களாக்குவது.
3. ஒரு வணிகர் வேறு நாட்டில் உற்பத்தியாகும் பொருட்களை இறக்குமதி செய்து தன்னை அல்லது தனது நிறுவனத்தை மொத்த வணிக களஞ்சியமாக்கி தனது நாட்டிலும் மற்றைய நாடுகளிலும் ஆங்காங்கே மொத்த வியாபாரக் களங்சியங்களை, முகவர்களை ஏற்படுத்தி தனது வியாபாரத்தைப் பெருக்குவது.
இந்த மூன்று அடிப்படைக் கூறுகளுக்குள் உள்ள வணிக நிறுவனங்களில் உலகளாவிய வணிகத்தை நடத்தும் ஒரு நிறுவனத்தின் செயல்பாடுகளை விஸ்தரிப்பதற்கும் தமது பொருள் மக்களைச் சென்றடைவதற்கும் செயல்பாடுகளை இலகுவாக்குதற்கும் அந்தந்த நாடுகளில் இயக்குனர்களை, முகாமையாளர்களை, விற்பனைப் பிரிவுப் பொறுப்பாளர்களை, பணியாளர்களை நியமிக்க வேண்டிய தேவை ஏற்படும்.
ஒவ்வொரு நாடுகளிலும் வணிகத்திற்கான சட்டதிட்டங்கள் வேறு வேறானவை. ஏந்தவொரு வணிக நிறுவனமும் தனது வணிகத்தை தனது நாட்டிலும் வேறு நாடுகளிலும் மனம் போனபடி செய்ய முடியாது.
அந்தந்த நாட்டின் ஆட்சியாளர்களின் வணிகச் சட்டதிட்டங்களுக்கு அமைவாகவும் அந்தந்த நாட்டு வணிகத்திற்குப் பொறுப்பான  அமைச்சுகளின் அணுசரணையுடனுமே நடத்த முடியும்.
தனது வணிகத்தைச் சுலபமாக்குவதற்கு அந்தந்த நாடுகளில் உள்ள சிலரை பங்குதாரர் ஆக்குவது அல்லது முகவர்களாக்குவது அல்லது இயக்குனர்களாக்குவது வணிக நிறுவனத்தின் அணுகுமுறையாகும். இந்த நடைமுறையானது பொதுவானது. நவீன உலகில் வணிகம் வணிக விஞ்ஞான(டீரளiநௌள ளுஉநைnஉந) அணுகுமுறையைக் கையாளத் தொடங்கியுள்ளது.
இதில் வணிக நிறுவனத்தை வணிக நிறுவனமாக மட்டுமே பார்க்க வேண்டுமே தவிர இதற்குள் உணர்ச்சிகர அரசியல் பார்வையைக் கொண்டிருக்கவே கூடாது.வணிகம் என்றால் என்னவென்று தெரியாதவர்கள் அனைத்தையும் குழப்புகிறார்கள்.
ஒரு நாட்டு வணிகன் தனது மக்களுக்கு தீங்கு இழைந்துவிட்ட நாடு என்று தனது வணிகத்தை அந்த நாட்டுடன் செய்யாமல் விட முடியாது.
இலங்கையைப் பொறுத்தவரையில் இலங்கையில் சிங்களவர் தமிழர் என்ற இரண்டு இனங்கள் உண்டு. இந்த இரண்டு இனங்களிலும் வணிகர்கள் நிறைய இருக்கின்றார்கள். தமிழ் வணிகர்களின் உற்பத்திப் பொருட்களை சிங்கள வணிகர்கள் வாங்கி விற்பதும், சிங்கள மக்கள் மக்கள் பாவனையாளர்களாக இருப்பதும், அதே போல சிங்கள வணிகர்களின் உற்பத்திப் பொருட்களை தமிழ் வணிகர்கள் வாங்கி விற்பதும் தமிழ் மக்கள் பாவனையாளர்களாக இருப்பதும் இயல்பாக நடந்து கொண்டே இருக்கின்றது.
வடக்கு கிழக்கு விவசாயிகளால் விளைவிக்கப்படும் விளைபொருட்களை சிங்கள வணிகர்கள் வாங்கி சிங்கள மக்களுக்கு விற்கிறார்கள். தென்பகுதி சிங்கள விவசாயிகளால் விளைவிக்கப்படும் விளைபொருட்களை தமிழ் வணிகர்கள் வாங்கி தமிழ் மக்களுக்கு விற்கிறார்கள்.
இலங்கையில் ஆட்சிகள் மாறிய போதிலும், தமிழர்களின் உரிமைப் பிரச்சினை 60 ஆண்டுகளுக்கு மேலாக தொடர்ந்து கொண்டிருக்கும் நிலையிலும், தமிழர்களுக்கு எதிராக ஆட்சியாளர்கள் நடந்து கொண்ட நிலையிலும் சிங்கள தமிழ் வணிகம் எவ்வித தடையுமின்றி காலம் காலமாக பரஸ்பரம்  நடந்து கொண்டுதானிருக்கின்றது.
தமிழர்களுக்கு எதிராக நடந்து கொள்ளும் சிங்கள அரசியல்வாதிகள் உள்ளுரில் தமிழரின் வணிகத்துடனே தொடர்புடையவர்களாக பங்குதாரர்களாகக்கூட இருக்கிறார்கள்.
இந்த நிலையில் லைக்கா நிறுவனத்தை தமிழரின் எதிரியாக காட்ட முயற்சிக்கும் தமிழகத்தில் உள்ள விரல்விட்டு எண்ணக்கூடிய அரசியல்வாதிகளினதும் ஊடகங்களினதும்  செயல் மிக மிகக் கேவலமானது.
ஈழத்தமிழர்களாகிய எமக்கு வணிகம் என்றால் என்ன என்ற புரிதலும் உண்டு, ஒரு வணிகம் நிறுவனம் தனது வணிகத்தை விஸ்தரிப்பதற்கு என்னென்ன அணுகுமுறையைக் கையாளும் என்ற தெளிவும் உண்டு. ஒரு வணிகன்  தனது வணிகத்தைப் பெருக்க பல தொழில்களில் முதலீடுகளைச் செய்வது இயற்கையே. லைக்கா நிறுவனம் ஒரு ஈழத்தமிழனின் நிறுவனம் என்பதில் எமக்கு பெருமையும் உண்டு மகிழ்ச்சியும் உண்டு. அவர்கள் எம்மக்களுக்குச் செய்யும் தொண்டு அளப்பரியது. அவற்றைப் போற்றுகிறோம் பாராட்டுகிறோம் வாழ்த்துகிறோம். ஈழத்தமிழர்கள் லைக்கா நிறுவனத்திற்கு என்றும் சார்பானவர்களே.
உலக வணிக நிறவனங்கள் தங்கள் தங்கள் நாடுகள் பகை கொண்டுள்ள நாடுகளுடன் வணிகம்  செய்யாமல் விட்டதில்லை.பல இலட்சம் யூதர்களைக் கொன்ற  நாடு என்பதற்காக யூதர்கள் ஜேர்மனியில் வணிகம் செய்யாமல் விடவில்லை.
லைக்கா நிறுவனம் தொலைத் தொடர்பு வணிகம் செய்யும் வரை தமிழக அரசியல்வாதிகளும் ஊடகங்களும் எதுவும் சொல்லவில்லை. எப்பொழுது இந்த நிறுவனம் இந்தியத்திரைப்படத்துறையில் முதலீடு செய்யத் தொடங்கியதோ அன்றிலிருந்து, ஈழத்தமிழர் எப்படி இங்கு வந்து திரைப்படம் தயாரிக்க முடியும் என்ற தமிழக திரைப்படத் தயாரிப்பாளர்களின் காழ்ப்புணர்வை இந்த போலி அரசியல்வாதிகள் பிரதிபலித்து நிற்கிறார்கள்.
நீங்கள் தயாரித்த படங்களை நாங்கள் பார்த்துக் கொண்டிருக்கிறோம்.எங்களில் ஒருவர் படம் தயாரிக்கிறார் என்றால் உங்களுக்கேன் கோபம் வருகின்றது. நாங்கள் எப்பொழுதுமே உங்களுக்கு சந்தையாக இருக்க வேண்டும் என்பது உங்கள் எண்ணமா?
ஈழத்தமிழனில் அக்கறைப்படுவதாக இன உணர்வுப் போர்வையைப் போர்த்திக் கொண்டு நடிக்கும் தமிழக அரசியல்வாதிகளும் ஊடகங்களும் லைக்கா நிறுவனத்தை விமர்சிப்பதை களங்க ஏற்படுத்த முயற்சிப்பதை நிறுத்திக் கொள்ளுங்கள். 

எமது விர்சகர் - ஏல .முருகா

ஆர்.கே.நகர் தொகுதி இடைத்தேர்தலில், 127 பேர் வேட்புமனு தாக்கல்செய்துள்ளனர் என்று, தேர்தல் அதிகாரி பிரவீன் நாயர் தெரிவித்துள்ளார்.

ஆர்.கே.நகர் தொகுதிக்கு, ஏப்ரல் 12-ம் தேதி இடைத்தேர்தல் நடைபெறுகிறது. இந்தத் தொகுதியில், சசிகலா அணி சார்பில் டி.டி.வி.தினகரனும், பன்னீர்செல்வம் அணி சார்பில் மதுசூதனனும், தி.மு.க சார்பில் மருதுகணேஷும், பா.ஜ.க சார்பில் கங்கை அமரனும், நாம் தமிழர் கட்சி சார்பில் கலைக்கோட்டுதயமும், எம்.ஜி.ஆர். அம்மா தீபா பேரவை சார்பில், தீபாவும் போட்டியிடுகின்றனர்.

கடந்த மார்ச் 16-ம் தேதி வேட்புமனு தாக்கல் தொடங்கியது. முதல் நாளில், சுயேச்சைகள் ஏராளமானோர் வேட்புமனு தாக்கல்செய்தனர். நேற்று, தி.மு.க வேட்பாளர் மருதுகணேஷ் வேட்பு மனு தாக்கல்செய்தார். கடைசி நாளான இன்று, மதுசூதனன், டி.டி.வி.தினகரன், தீபா உள்ளிட்டவர்கள் வேட்பு மனு தாக்கல்செய்தனர். இன்று மாலை, மூன்று மணியுடன் வேட்பு மனு தாக்கல் முடிவடைந்தது.

இதைத் தொடர்ந்து செய்தியாளர்களிடம் பேசிய தேர்தல் அதிகாரி பிரவீன் நாயர், 'ஆர்.கே.நகர் இடைத்தேர்தலில், 127 பேர் வேட்பு மனு தாக்கல்செய்துள்ளனர். இன்று மட்டும் 72 பேர் வேட்புமனு தாக்கல்செய்துள்ளனர். நாளை, வேட்புமனுக்கள் மீதான பரிசீலனை  நடைபெறும்' என்று கூறினார்.

பிரான்ஸ் நாட்டில் உள்ள பள்ளி ஒன்றில் மர்ம நபர் நுழைந்து சரமாரியாக துப்பாக்கி சூடு நடத்தியுள்ளதாக அதிர்ச்சி தகவல்கள் வெளியாகியுள்ளன.

தெற்கு பிரான்ஸில் உள்ள Grasse நகரில் Alexis de Tocqueville என்ற பள்ளி இயங்கி வருகிறது.

இப்பள்ளியில் சற்று முன்னர் நுழைந்த மர்ம நபர் ஒருவர் அங்குள்ளவர்களை நோக்கி சரமாரியாக துப்பாக்கி சூடு நடத்தியுள்ளார்.

இச்சம்பவத்தில் பலர் படுகாயம் அடைந்துள்ளனர்.

இத்தாக்குதலுக்கு பதிலடி கொடுக்கும் வகையிலும், பள்ளி மாணவர்களை காப்பாற்றும் முயற்சியிலும் பொலிசார் தீவிரமாக ஈடுப்பட்டு வருகின்றனர்.

மேலும், இது ஒரு தீவிரவாத தாக்குதலாக கூட இருக்க வாய்ப்புள்ளதாக தகவல்கள் வெளியாகியுள்ளன.

ext

திருகோணமலை மாவட்டத்தில் டெங்கு காய்ச்சலின் தாக்கம் பெருமளவில் அதிகரித்து வரும் நிலையில் கிண்ணி

பிரான்ஸ் நாட்டில் உள்ள பள்ளி ஒன்றில் மர்ம நபர் நுழைந்து சரமாரியாக துப்பாக்கி சூடு நடத்தியுள்ளதாக அதிர்ச்சி தகவல்கள் வெளியாகியுள்ளன.

தெற்கு பிரான்ஸில் உள்ள Grasse நகரில் Alexis de Tocqueville என்ற பள்ளி இயங்கி வருகிறது.

இப்பள்ளியில் சற்று முன்னர் நுழைந்த மர்ம நபர் ஒருவர் அங்குள்ளவர்களை நோக்கி சரமாரியாக துப்பாக்கி சூடு நடத்தியுள்ளார்.

இச்சம்பவத்தில் பலர் படுகாயம் அடைந்துள்ளனர்.

இத்தாக்குதலுக்கு பதிலடி கொடுக்கும் வகையிலும், பள்ளி மாணவர்களை காப்பாற்றும் முயற்சியிலும் பொலிசார் தீவிரமாக ஈடுப்பட்டு வருகின்றனர்.

மேலும், இது ஒரு தீவிரவாத தாக்குதலாக கூட இருக்க வாய்ப்புள்ளதாக தகவல்கள் வெளியாகியுள்ளன.

யாவைச் சேர்ந்த பெண்ணொருவர் இன்று திருகோணமலை அரசினர் மருத்துவமனையில் உயிரிழந்துள்ளார் இந்த நிலையில் கிண்ணியா பிரதேசத்தில் டெங்குநோயால் உயிரிழந்தோர் எண்ணிக்கை ஆறாக உயர்ந்துள்ளது.

கிண்ணியா மாஞ்சோலைச்சேனையைச் சேர்ந்த ரியாத் நஸீபா என்பவரே இன்று அதிகாலை டெங்கு நோயின் தர்க்கத்தினால் உயிரிழந்துள்ளார்.

இந்த நிலையில் டெங்கு தாக்கம் பாடசாலை மாணவர் மத்தியில் அதிகரித்து வரும் வேளை தனியார் கல்வி நிலையங்களில் பிரத்யேக கல்வி வகுப்புகள் என்பன தற்காலிகமாக இரண்டு வாரங்களுக்கு இடைநிறுத்தப்பட்டுள்ளன.

இந்த நிலைலில் சுகாதாரப் பகுதியினர் மற்றும் பல்கலைக்கழக மாணவர்கள் இணைந்து துதி-திருகோணமலை நகரம் கிண்ணியா மற்றும் அதனை அடுத்துள்ள பகுதிகளில் வீதியோர வடிகான்கள் மற்றும் வீடு வீடாகவும் சென்று கொசு பரவும் சூழல் உள்ளதா என கண்காணித்து வருகின்றனர். கொசு பரவம் சூழல் காணப்படும் வீட்டு உரிமையாளர்கள் தனியார் நிறுவங்களின் உரிமையாளர்கள் மற்றும் ஏனையோர் வசிக்கும் இடங்களில் கொசு பரவும் சூழல் காணப்படின் சம்பந்தப்பட்டோர் மீது சட்ட நடவடிக்கை எடுப்பதற்கான ஏற்பாடுகளும் மேற்கொள்ளப்பட்டு வருகின்றன

இதேவேளை திருகோணமலை அரசினர் பொது மருத்துவ மனையில் தினமும் அதிக அளவிலான டெங்கு நோயாளிகள் சிகிச்சைக்கென வரும் நிலையில் இதற்கான உதவிகளை தனியார் நிறுனங்கள் ஆலய நிர்வாகங்கள் மற்றும் தனியார் தொண'டு நிறுவனங்களிடமிருந்தும் பெறுவதற்கான ஏற்பாடுகளை மேற்கொள்ளப்போவதாகவும் வைத்தியசாலை பணிப்பாளர் அனுஷியா ராஜ்குமார் தெரிவித்துள்ளார்.

இதேவேளை டெங்கு நோய் தொடர்பான விழிப்புணர்வினை ஏற்படுத்துதற்கான வீதி நாடகங்களை நடத்தவும் ஏற்பாடுகள் மேற்கொள்ளப்பட்டு வருகின்றன.

இலங்கை கடற்படையினரால் இந்திய மீனவர் ஒருவர் நேற்றிரவு சுட்டுக் கொல்லப்பட்டதாக தெரிவிக்கப்படும் தகவலை  வழமைபோல் இலங்கைக் கடற்படைப் பேச்சாளர்  மறுத்துள்ளார். 

இந்தியாவின் தமிழக மாநிலம் - ராமமேஸ்வரம் மாவட்டம் தங்கச்சிமடம் பகுதியிலிருந்து வந்த 22 வயதான பிரிட்கோ எனப்படும் மீனவரே இவ்வாறு சுட்டுக்கொல்லப்பட்டவராவார்.

நேற்றிரவு 8.30 அளவில் கச்சதீவுக்கு சற்றுத் தொலைவில் மீன்பிடித்துக் கொண்டிருந்த போது இலங்கை கடற்படையினர் அந்த பகுதியில் கண்காணிப்பு பணியில் ஈடுபட்டிருந்த தருணத்தில் குறித்த  மீனவர் மீது துப்பாக்கிச் சூடு நடத்தியதாக இந்திய மீனவ திணைக்களத்தின் உதவிப் பணிப்பாளர் தெரிவித்துள்ளார்.

முதலாம் இணைப்பு

கடலில் மீன்பிடிக்கச்செல்லும் தமிழக மீனவர்களை இலங்கை கடற்படையினர் தாக்கி விரட்டுவதும், கைது செய்து சிறையில் அடைப்பதும் தொடர்ந்து நடந்தவண்ணம் உள்ளது. இந் நிலையில், இராமேஸ்வரம் மீனவர்கள் நடுக்கடலில் நேற்று மீன் பிடித்துக்கொண்டிருந்தபோது அங்கு வந்த இலங்கை கடற்படையினர், மீனவர்களை விரட்டியடித்ததுடன் மிருகத்தனமாக துப்பாக்கிச் சூடும் நடத்தியுள்ளனர். 

இதில் தங்கச்சிமடம் பகுதியை சேர்ந்த மீனவர் பிரிஜ்ஜோ கழுத்தில் குண்டு பாய்ந்த நிலையில் உயிரிழந்துள்ள நிலையில்,  மற்றைய மீனவர் ஒருவர் படுகாயம் அடைந்துள்ளார். மீனவர் சுட்டுக்கொல்லப்பட்ட செய்தி ராமேஸ்வரம் பகுதி மீனவர்களுக்கு நேற்று இரவு தெரியவந்துள்ளதை அடுத்து, அவர்கள் கடும் அதிர்ச்சி அடைந்துள்ளனர்.

இந் நிலையில் உயிர்தப்பி வந்த மீனவர் கிளிண்டன் என்பவர் கூறியதாவது,- நாங்கள் இந்திய எல்லைப் பகுதியில் மீன் பிடித்துக் கொண்டிருந்தோம். அப்போது அங்கு வந்த இலங்கை கடற்படையினர் எங்கள் படகை நோக்கி சரமாரியாக துப்பாக்கியால் சூடு நடத்தியதில்  குண்டு பாய்ந்து மீனவர் பிரிஜ்ஜோ இறந்துபோனார். மற்றொரு மீனவர்  படுகாயம் அடைந்தார். நாங்கள் உயிருக்கு பயந்து கடலில் வீசப்பட்டிருந்த வலைகளையும், பொருட்களையும் எடுக்காமல் அவசர அவசரமாக கரைக்குத் திரும்பினோம். இலங்கை கடற்படையினர் வெறித்தனமாக எங்கள் மீது துப்பாக்கி சூடு நடத்தினார்கள். இவ்வாறு அவர் கூறினார்.

மீனவர் சங்கத் தலைவர் யேசுராஜ் கூறியதாவது, இலங்கை கடற்படையினர் இதுவரை தமிழக மீனவர்களை தாக்கியும், படகுகளை சிறைப்பிடித்தும், கைது செய்து வந்தனர். இப்போது அவர்கள் கொலை வெறியில் ஈடுபட்டுள்ளனர். துப்பாக்கி சூடு நடத்தி மீனவரை கொன்றுள்ளனர். விலங்குகளை கொன்றால் நடவடிக்கை எடுக்கும் மத்திய அரசு மீனவர்களை கொல்லும் இலங்கை மீது எந்த நடவடிக்கையும் எடுக்கவில்லை. இந்த பிரச்சனைக்கு நடுவன் தமிழக  அரசுகள் நிரந்தர தீர்வு காணவேண்டும். இல்லை என்றால் நாங்கள் போராட்டத்தில் ஈடுபடுவோம். இவ்வாறு அவர் கூறியுள்ளார்.

மீனவர் சங்கத் தலைவர் எமரீட் கூறியதாவது,  இலங்கை கடற்ப்படையினர் தமிழக மீனவர்களை தாக்கியும், விரட்டியும் வந்தனர். இப்போது துப்பாக்கிச் சூடு நடத்தி உள்ளனர். இதனை மீனவர் சங்கத்தினர் கடுமையாக கண்டிக்கிறோம். துப்பாக்கி சூட்டில் இறந்துபோன மீனவர் குடும்பத்துக்கு இழப்பீட்டுத் தொகை வழங்க வேண்டும். மீனவர்களின் உயிர் காக்க நடுவன்-தமிழக  அரசுகள் நடவடிக்கை எடுக்க வேண்டும்.இவ்வாறு அவர் கூறியுள்ளார்.

இரண்டாம் இணைப்பு

இராமேஸ்வரம் மீனவர் சுட்டுக் கொல்லப்பட்ட சம்பவத்திற்கு பல்வேறு அரசியல் கட்சியினர் கண்டனம் தெரிவித்துள்ளனர்.

இராமேஸ்வரம் மருத்துவமனைப் பகுதியில் பாதுகாப்பு அதிகரிக்கப்பட்டு உள்ள நிலையில், இந்திய கடற்படை தமிழக மீனவர்களை பாதுகாக்கவில்லை என குற்றம் சாட்டப்பட்டு வருகிறது. 

மீனவ அமைப்புகள் தரப்பில் போராட்டத்திற்கு அழைப்பு விடுக்கப்பட்டு வருவதேடு, தமிழக மீனவர்களுக்கு இழைக்கப்படும் அநீதிக்கு எதிராக மக்கள் குரல் கொடுக்க வேண்டும் எனவும் வலியுறுத்தப்பட்டு வருகிறது. இலங்கை கடற்படையின் அடாவடியால்  தமிழகம் முழுவதும் பெரும் கொந்தளிப்பு ஏற்பட்டு உள்ளது. இந்நிலையில் முன்னெச்சரிக்கை நடவடிக்கையாக தமிழகத்தில் உள்ள இலங்கை நிறுவனங்களுக்கு பொலீஸ் பாதுகாப்பும் அதிகரிக்கப்பட்டுள்ளது.

வன்முறை ஏற்படாமல் தடுக்கும் பொருட்டு, தமிழகத்தில் உள்ள இலங்கை துணைத் தூதரகம், இலங்கை வங்கிகள், சென்னை எழும்பூரில் உள்ள புத்தக விஹார் ஆகிய நிறுவனங்களுக்கு தமிழக பொலீஸ் பலத்த பாதுகாப்பு அளித்துள்ளது.

மூன்றாம் இணைப்பு

இந்திய எல்லைப் பகுதியான ஆதம்பாலம் பகுதியில் தனுஷ்கோடி மற்றும் கச்சத்தீவு பகுதிகளுக்கு இடையே நேற்று மீன்பிடித்து கொண்டிருந்த தமிழக மீனவர்கள் மீது இலங்கை கடற்படை மிருகத்தனமாக துப்பாக்கிச் சூடு நடத்தினர். 

இலங்கை கடற்படையின்  துப்பாக்கிச்சூட்டில் பலியான மீனவரின் உடல் பத்திரமாக இந்திய கரைக்கு கொண்டு செல்லப்பட்டு,  இராமேஸ்வரம் அரசு மருத்துவமனையில் பிரேதப் பரிசோதனை செய்யப்பட்டுள்ளது. 

குறித்த நபரின் உடலில் இருந்து ஏகே 47 ரக துப்பாக்கியின் தோட்டா எடுக்கப்பட்டு உள்ளதோடு,  தற்போது பிரேதப் பரிசோதனை முடிவுற்ற நிலையில், மீனவரின் உடலை பெற்றுக்கொள்ள அவரது உறவினர்கள் மறுப்பு தெரிவித்து போராட்டத்தில் ஈடுபட்டு வருவதாக தெரிவிக்கப்படுகிறது.

 இந்திய மீனவர்கள் மீது இலங்கை கடற்படை தாக்குதல் நடத்தியதில் மீனவர் கொல்லப்பட்ட நிலையில் தங்கச்சி மடத்தை சேர்ந்த மீன அமைப்பினர் அவசரமாக ஒன்று கூடி  தீர்மானம் ஒன்றை நிறைவேற்றியுள்ளனர்.

நடுவன் வெளியுறவுத்துறை மந்திரி வந்து சந்திக்கும் வரை உடலை வாங்க மாட்டோம் என அவர்கள் தரப்பில் தெரிவிக்கப்பட்டுவிட்டது.

இந் நிலையில், மத்திய வெளியுறவுத்துறை மந்திரி சுஷ்மா சுவராஜ் வரும்வரையில் மீனவர் உடலை வாங்க மாட்டோம் என மீன அமைப்பினர் தர்ணாவில் ஈடுபட்டு உள்ளனர். இலங்கை கடற்படையினரால் சுட்டுக் கொல்லப்பட்ட மீனவரின் உடலை வாங்க அவரது உறவினர்கள் மறுப்பு தெரிவித்து போராட்டத்தில் ஈடுபட்டு வருகின்றனர். மீனவர்கள் மீது துப்பாக்கிச் சூடு நடத்திய இலங்கை கடற்படையினர் கைது செய்யப்பட வேண்டும் என மீனவர்கள் தரப்பில் வலியுறுத்தப்பட்டுள்ளது. 
 இந்திரா காந்தி ஆட்சி நடைபெற்ற போது மீனவர்கள் மீது துப்பாக்கி சூடு நடத்திய இலங்கை கடற்படை மீது நடவடிக்கை எடுக்கப்பட்டது போன்று இப்போதும் மோடி அரசு நடவடிக்கை எடுக்கவேண்டும் என போராட்டம் நடத்துபவர்கள் தரப்பில் தெரிவிக்கப்பட்டுள்ளது. 

நான்காம் இணைப்பு

இந்திய மீனவர் மீது துப்பாக்கிச் சூடு நடத்தி படுகொலை செய்யப்பட்ட சம்பவம் தொடர்பில், விசாரணை நடத்த இலங்கை அரசின் தலைமை அமைச்சர் ரணில் விக்கிரமசிங்க இணங்கியுள்ளதாக, இந்திய அரசின் அயலுறவுத்துறை தகவல் வெளியிட்டுள்ளது.

இராணுவம் கையகப்படுத்தியுள்ள தமது காணிகளை விடுவிக்க வேண்டும் என்று கோரி கேப்பாபிலவு மக்கள் நடத்தி வரும் அறவழிப் போராட்டம் இன்று ஐந்தாவது நாளாகவும் தொடர்கிறது.

கேப்பாவிலவு மக்கள் நடத்தும் தொடர் அறவழிப் போராட்டத்துக்கு தொடர் அறவழிப் போராட்டத்தின் மூலம் தமது நிலங்களுக்குச் சென்ற பிலக்குடியிருப்பு பொதுமக்களும் நேரில் சென்று தமது ஆதரவைத் தெரிவித்தனர்.

தமது காணிகள் விடுவிக்கப்பட வேண்டும் என்று வற்புறுத்தி கேப்பாப்பிலவு முகாமுக்கு முன்பாகத் தகரக் கொட்டகை அமைத்து கடந்த நான்கு நாள்களாகத் தொடர்ச்சியாக மக்கள் போராட்டத்தில் ஈடுபட்டு வருகின்றனர்.

கேப்பாப்புலவு –பிலக்குடியிருப்பில் விமானப் படையினர் வசமுள்ள தமது காணிகளை விடுவிக்குமாறு கோரி முல்லைத்தீவு மக்கள் மேற்கொண்ட போராட்டத்திற்கு வெற்றி கிடைத்துள்ளது.
இதற்கமைய மக்களின் காணிகள் நாளையதினம் கையளிக்கப்படவுள்ளதாக முல்லைத்தீவு கரைத்துறைப்பற்று பிரதேச செயலா ளர் சி.குணபாலன் தெரிவித்தார்.
விமானப்படையினரால் கடந்த எட்டு ஆண்டுகளாக கையகப்படுத்தப்பட்டுள்ள பிலக்குடியிருப்பு கிராமத்திலுள்ள 84 குடும்பங்க ளுக்கு சொந்தமான 20 ஏக்கர் காணிகளை விடுவிக்குமாறு கோரி கடந்த 31 ஆம் திகதி முதல் மக்கள் போராட்டத்தில் ஈடுபட்டு வருகின்றனர்.
இந்நிலையில் மக்களுக்கு சொந்தமான காணிகளை விடுவிப்பதற்கு அரசாங்கம் இணக்கம் தெரிவித்துள்ள   நிலையில், குறித்த காணிகளை நில அளவை திணைக்கள   அதிகாரிகள் இன்று காலை அளவீடு செய்தனர்.
இதனையடுத்தே காணிகள் நாளைய தினம் விடுவிக்கப்படும் என முல்லைத்தீவு கரைத்துறைப்பற்று பிரதேச செயலாளர் சி.குண பாலன்  தெரிவித்தார்.
உதவிக்கரம் நீட்டுங்கள்

பண்ணாகத்தைச் சேர்ந்த கந்தசாமி என்பவரின் மகள் பாக்கியலச்சுமி அவருடைய மகள் அனந்தினி. அன்பு என்றால் தான் பண்ணாகத்தில் தன்னை தெரியும் என்கிறார்! இவர் எமது தாயக மண் மீட்புப் போராட்டத்தில் தன்னை இணைத்துக் கொண்டு ஒரு போராளியாக இயங்கி இறுதி யுத்தத்தில் விழுப்புண்ணடைந்து தனது வலது காலை முழங்காலிற்கு கீழ் இழந்து பின் புனர்வாழ்வளிக்கப்பட்டு விடுதலையாகி பின்னர் தன்னைப் போன்று விழுப்புண்ணடைந்த ஒரு போராளியை மணந்து முல்லைத்தீவு மாவட்டத்தில் மிகவும் அடிப்படை வசதியற்ற ஆபத்தான ஒரு பகுதியில் வாழ்ந்து வருகின்றார். இவரின் காயம் சரிவர மாறாததன் காரணத்தால் முழு காலையும் எடுக்கவேண்டிய சூழ்நிலைக்கு தள்ளப்பட்டார். ஆனால் News First இல் வெளியான அவரது நேர்காணலை கண்ணுற்ற முகம் தெரியாத சுவிஸை சேர்ந்த நல்லுள்ளம் படைத்த ஒருவரின் உதவியினால் இந்தியா சென்று தற்போது தனது காயத்திற்கு சிகிச்சை பெற்று வருகின்றார். அவரது தற்போதைய சிந்தனை, நீண்ட காலத்திற்கு எந்த விதமான பிரச்சனைகளும் இன்றி பாவிக்கக்கூடிய தரமான முறையில் தயாரிக்கப்படும் செயற்கைக் கால் ஒன்றை இந்தியாவில் இருந்து பெற்று செல்வதே. உலகில் பரந்து வாழும் புலம்பெயர் தமிழ் உறவுகளின் மத்தியில் மிகவும் நெருக்கமான உறவைப் பேணும் சமூகமாக வாழும் பண்ணாகத்து உறவுகளிடம் தானும் ஒரு பண்ணாகத்து உறவு என்றவகையில் உதவிக்கரம் நீட்டி நிற்கின்றார். அவரது Facebook Mesenger ID மதுரா அன்பு(Mathura Anbu) இத்துடன் இணைக்கப்பட்டுள்ள காணொளியை பார்த்தால் உங்களுக்கே புரியும் அந்த பண்ணாகத்து மறத் தமிழச்சியின் வாழ்க்கை நிலை.

சுவாசக் கோளாறு காரணமாக வடக்கு மாகாண முதலமைச்சர் சி.வி.விக்னேஸ்வரன் யாழ்ப்பாண போதனா வைத்தியசாலையில் அனுமதிக்கப்பட்டுள்ளார்.

சுவாச நோய் காரணமாக பாதிக்கப்பட்ட முதலமைச்சர் விக்னேஸ்வரன் இருதய சத்திரசிகிச்சைப் பிரிவில் அனுமதிக்கப்பட்டுள்ளார்.

சுவாச நோய்க் காரணமாக வைத்தியசாலையில் அனுமதிக்கப்பட்ட அவருக்கு தொடர்ந்தும் சிகிச்சை அளிக்கப்பட்டு வருவதாக வைத்தியசாலை வட்டாரங்கள் தெரிவிக்கின்றன.

இதேவேளை, கடந்த காலங்களில் சுவாசம் சம்பந்தப்பட்ட நோய்க் காரணமாக பல தடவை யாழ்ப்பாண போதனா வைத்தியசாலையில் சிகிசை பெற்று வந்தமை குறிப்பிடத்தக்கது.

தமிழ் நாட்டில் அதிமுக கட்சியின் தொழிநுட்ப பிரிவு நடத்திய, தொலைபேசி ஆதரவு கணக்கெடுப்பு ஆரம்பித்து 48 மணித்தியாலயங்களில், சுமார் 33 இலட்சம் பேர், தமது ஆதரவை முதலமைச்சர் ஓ.பன்னீர் செல்வத்திற்கு வழங்கியுள்ளதாக தமிழக ஊடகங்கள் தகவல் பகிர்ந்துள்ளன.

கடந்த சில தினங்களாகவே தமிழ்நாட்டு அரசியலில் மாற்றத்தை கொண்டுவருவதற்காக தமிழகம் மற்றும் ஏனைய மாநிலங்களிலிருந்தும் முதலமைச்சர் ஓ.பன்னீர் செல்வத்திற்கான மக்கள் ஆதரவு அதிகரித்து வருவதாக தகவல்கள் வெளியாகிவருகின்றன.

இந்நிலையில் சசிகலாவிற்கு ஆதரவளித்து வந்த அதிமுக கட்சியின் பாராளுமன்ற, சட்டமன்ற உறுப்பினர்கள் மற்றும் குறிப்பிட்ட சில நடிகர்கள், தற்போது முதலமைச்சர் ஓ.பன்னீர் செல்வத்திற்கு தமது ஆதரவுகளை தெரிவித்து வருகின்றனர்.

குறித்த உறுப்பினர்கள், அவர்களது தொகுதி மக்கள் நேரடியாகவும், தொலைபேசியூடாகவும் பன்னீர் செல்வத்திற்கு ஆதரவளிக்கும்படி கோரிவந்த நிலையில், பன்னீர் செல்வம் பக்கம் மாறியுள்ளதாகத் தெரிவித்துள்ளமை குறிப்பிடத்தக்கது.

நியூசிலாந்தின் தெற்குத்தீவின் பெரும் கடற்கரையான பேர்வெல் ஸ்பிட்டில், பைலட் வகை திமிங்கலங்கள் 416, கரை ஒதுங்கி உயிருக்கு போராடுவது கண்டறியப்பட்டுள்ளது.

குறித்த சம்பவத்தில் கரை ஒதுங்கிய திமிங்கிலங்களில் 300 வரை இறந்துள்ளதாகவும், எஞ்சிய நூற்றுக்கும் மேற்பட்ட திமிங்கலங்களை காப்பாற்றுவதற்கு, விலங்குகள் நல பாதுகாப்புத்துறை பணியாளர்கள் மற்றும் தன்னார்வ தொண்டர்களும் பல்வேறு முயற்சிகளை மேற்கொண்டு வருகின்றதாக அந்நாட்டு ஊடகங்கள் தகவல் பகிர்ந்துள்ளன.

இருப்பினும் எஞ்சியுள்ள திமிங்கிலங்களும், உயிர் ஆபத்தை எதிர்கொண்டுள்ள கவலைக்கிடமான நிலையில் இருப்பதாக தெரிவிக்கப்பட்டுள்ளது. 

மேலும் பேர்வெல் ஸ்பிலிட் கடற்கரையில் திமிங்கலங்கள் கரை ஒதுங்குவது வழமையாக இடம்பெறும் நிகழ்வாகும். இருப்பினும் தற்போது நிகழ்ந்துள்ள உயிரிழப்பு சம்பவமே மிகவும் மோசமான நிகழ்வாக குறிப்பிடப்பட்டுள்ளது.

முன்னாள் ஜனாதிபதி மஹிந்த ராஜபக்சவின் குடியுரிமை ரத்து செய்யப்படாது என சுகாதார அமைச்சர் ராஜித சேனாரத்ன தெரிவி த்துள்ளார்.

மஹிந்த ராஜபக்சவின் குடியுரிமையை ரத்து செய்வதற்கு அரசாங்கம் எவ்வித தீர்மானத்தையும் எடுக்கவில்லை என அவர்குறிப்பி ட்டுள்ளார். நாட்டில் நீதிமன்றக் கட்டமைப்பு சுயாதீனமான அடிப்படையில் செயற்பட்டு வருகின்றது.

முன்னாள் ஜனாதிபதி மஹிந்த ராஜபக்சவின் குடியுரிமையை ரத்து செய்வதற்கு அரசாங்கம் முயற்சிப்பதாக மேற்கொள்ளப்பட்டு வரும்  வரும் பிரசாரங்களில் எவ்வித உண்மையோ, அடிப்படையோ கிடையாது என ராஜித  மேலும் சுட்டிக்காட்டியுள்ளார்.

கூட்டு எதிர்க்கட்சியின் நாடாளுமன்ற உறுப்பினர் பந்துலகுணவர்தன உள்ளிட்ட சிலர் மஹிந்தவின் குடியுரிமையை ரத்து செய்ய அரசாங்கம் சதித்திட்டம் தீட்டி வருவதாக அண்மைய நாட்களாக ஊடகங்களில் கருத்து வெளியிட்டு வருகின்றமை குறிப்பிடத் தக்கது.

அமெரிக்க மாநிலமான டெக்ஸாஸின் தென்பகுதியில், கடந்த வாரம் தீக்கிரையான பள்ளிவாசலைப் புனரமைப்பதற்கு தேவையான பணம் இரண்டே நாட்களில் திரட்டப்பட்டு விட்டதாக பள்ளிவாசல் நிர்வாகம் தெரிவித்துள்ளது.

கடந்த சனிக்கிழமையன்று ‘விக்டோரியா இஸ்லாமிக் சென்ட்டர்’ என்ற இந்தப் பள்ளிவாசல் தீக்கிரையானது. தீக்கான காரணம் மர்மமாக இருப்பதாகவும் தெரிவிக்கப்பட்டிருந்தது. மேலும், ஏழு முஸ்லிம் நாடுகளைச் சேர்ந்தவர்கள் அமெரிக்காவினுள் நுழையத் தடை செய்யும் ஆணையில் அமெரிக்க ஜனாதிபதி ட்ரம்ப் கையெழுத்திட்ட சில மணி நேரங்களுக்குப் பின்னரே இந்த ‘விபத்து’ ஏற்பட்டது குறிப்பிடத்தக்கது.

இந்த நிலையில், எரிந்துபோன பள்ளிவாசலை புனருத்தாரணம் செய்வதற்குத் தேவையான பணத்தை இணையதளம் வாயிலாகத் திரட்ட முயற்சி எடுக்கப்பட்டது.

இந்த முயற்சியில் கைகோர்த்த சுமார் 19 ஆயிரம் பேர், தமது நிதியுதவிகளை வாரி வழங்க ஆரம்பித்தனர். இதன்மூலம், இரண்டாம் நாளான நேற்று வரை சுமார் ஒன்பது இலட்சம் டொலர்கள் திரட்டப்பட்டதாகத் தெரியவருகிறது. 

இது, குறித்த பள்ளிவாசலை புனருத்தாரணம் செய்வதற்குத் தேவையான பணத்திற்கும் அதிகமான தொகை என்றும், உடனடியாக இந்தளவு தொகையை அளித்த மக்களின் ஆதரவுக்கு தாம் நன்றி தெரிவிப்பதாகவும் பள்ளிவாசல் நிர்வாகம் தெரிவித்துள்ளது.

வவுனியாவில் காணால் போனோரின் உறவுகளால் மூன்றாவது நாளாக மேற்கொள்ளப்பட்டு வரும் உண்ணாவிரத்தில் உண்ணாவிரதிகளின் உடல் நிலைமோசமடைந்து வருவதாக வவுனியா பொது வைத்தியசாலையின் வைத்தியர் தெரிவித்தார்.

உண்ணாவிரதம் இடம்பெற்ற இடத்திற்கு வருகை தந்த வைத்தியர் குழு உணவு தவிர்ப்பில் ஈடுபட்டுள்ளவர்களை பரிசோதனை செய்ததன் பின்னரே இவ்வாறு தெரிவித்தார்.

இந் நிலையில் வயோதிப தாய்மார் இருவரின் உடலில் சீனியின் அளவு மிகக்குறைவடைந்துள்ளதாகவும் இருவரும் மயக்கமுறும் நிலையில் உள்ளதாகவும் தெரிவித்தார்.

இந் நிலையில் மயக்கமுறும் சந்தர்ப்பத்தில் உடனடியாக வைத்தியசாலைக்கு கொண்டு வந்து அனுமதிக்குமாறும் அவர் அங்கிருந்தவர்களிடம் தெரிவித்திருந்தார்.

இதேவேளை உண்ணாவிரதப்போராட்டத்திற்கு இளைஞர்கள் சிலர் ஆதரவு வழங்கி வரும் நிலையில் பொது அமைப்புக்களின் பிரதிநிதிகளும் அதிகளவில் பிரசன்னமாகியுள்ளனர். உண்ணாவிரதம் இருப்போருக்கு ஆதரவாக முற்சக்கரவண்டி உரிமையாளர் சங்கம் நாளை பேரணியொன்றினை நடத்த திட்டமிட்டுள்ளதுடன் ஊடுகவியலாளர் சந்திப்பொன்றினை நடத்தவுள்ளார்கள்.

தமிழர் தாயகமான வடக்கு கிழக்கில் யுத்தத்தின் போதும் அதற்கு பின்னரும் கைது செய்யப்பட்டும் சரணடைந்த நிலையிலும், காணாமல் போகச் செய்யப்பட்ட தமது உறவுகளை தேடிக் கண்டறியும் குடும்பங்களை சேர்ந்தோர் இன்று மூன்றாவது நாளாக உணவுத் தவிர்ப்பு போராட்டத்தில் ஈடுபட்டுள்ளனர்.

வவுனியா ஏ9 வீதியிலுள்ள தபாலகத்திற்கு முன்பாக தொடர் உணவுத் தவிர்ப்பு போராட்டத்தில் ஈடுபட்டுள்ள காணாமல்போன உறவினர்களில் பலரின் உடல் நிலை மோசமாக உள்ளதாக எமது பிராந்திய செய்தியாளர் தெரிவித்தார்.

வவுனியாவில் காணாமல்போன உறவுகளினால் நேற்று முன்தினம் ஆரம்பிக்கப்பட்ட சாகும் வரையிலான உணவுத் தவிர்ப்பு போராட்டம் கடும் மழை, குளிருக்கு மத்தியிலும் மூன்றாவது நாளாக இன்றும் தொடர்கின்றது.

வவுனியா தபால் நிலையத்திற்கு அருகில் காணாமல் போனவர்களின் உறவினர்கள் 14 பேர் சாகும் வரையிலான தொடர் உண்ணாவிரதப் போராட்டத்தில் ஈடுபட்டு வருகின்றனர்.

பகல் வேளைகளில் பலர் சென்று காணாமல் போனவர்களின் உறவினர்களுக்கு ஆதரவாக இருந்த போதும், இரவு வேளைகளில் அவர்கள் இயலாத நிலையிலும் தனிமையில் கழிக்க வேண்டியுள்ளது.

கடும் மழை, கடும் குளிர் என்பவற்றுக்கு மத்தியில் இரவுப் பொழுதை அவர்கள் தனிமையில் கழித்து வருகின்ற நிலையில், சிலரது உடல்நிலை பலவீனம் அடைந்து வருகின்றது.

தமக்கான உரிய பதிலை நல்லாட்சி அரசாங்கம் வழங்காத பட்சத்தில் தாம் இறப்பதற்கும் தயாராக இருப்பதாகவும் அவர்கள் தெரிவித்துள்ளனர்.

இதேவேளை, இன்றைய தினம் வவுனியாவில் உள்ள இளைஞர்கள் இவர்களது உண்ணாவிரதப் போராட்டத்திற்கு ஆதரவு தெரிவித்து, ஒன்றுகூடி அடுத்தகட்டம் தொடர்பில் கலந்துரையாடியுள்ளதாக எமது பிராந்திய செய்தியாளர் தெரிவித்தார்.

இதேவேளை, காணாமல் போனவர்களின் உறவுகளினால் முன்னெடுக்கப்பட்டுள்ள தொடர் உணவு தவிர்ப்பு போராட்டத்தில் ஈடுபட்டுள்ளவர்களை நேற்றைய தினம் கமராவுடன் சென்ற புலனாய்வு அதிகாரிகள் நிழற்படம் மற்றும் ஒளிப்பதிவு செய்துள்ளதாகவும் எமது பிராந்திய செய்தியாளர் தெரிவித்தார்.

தம்மை பல்வேறு தரப்பினர் நிழற்படம் மற்றும் ஒளிப்பதிவு செய்கின்ற போதிலும், எந்தவொரு அச்சுறுத்தலும் இதுவரை விடுக்கப்படவில்லை என உணவுத் தவிர்ப்பு போராட்டத்தில் ஈடுபட்டுள்ளவர்கள் தெரிவித்தனர்.

மேலும் தமிழர் தாயகத்தில் ஸ்ரீலங்கா அரச படைகள் மற்றும் அரச துணை ஆயுதக்குழுக்களால் தமது உறவுகள் கடத்திச் செல்லப்பட்டமையை தாம் நேரடியாக கண்டதாக உணவுத் தவிர்ப்பு போராட்டத்தில் ஈடுபட்டுள்ளவர்கள் குறிப்பிட்டுள்ளனர்.

தம்மால் முன்வைக்கப்படும் கோரிக்கைகள் அனைத்தும் நிபந்தனைகள் இன்றி நிறைவேற்றப்படும் வரை, சாகும் வரையிலான உணவு தவிர்ப்பு போராட்டம் தொடரும் எனவும் போராட்டத்தில் ஈடுபட்டவர்கள் எச்சரிக்கை விடுத்துள்ளனர்.

அத்தோடு, தாம் உயிர் இழந்தால் அதற்குரிய முழுப்பொறுப்பை ஜனாதிபதி, பிரதமர், எதிர்க்கட்சித்தலைவர் ஆகியோரே ஏற்றுக்கொள்ள வேண்டுமெனவும் கடத்தப்பட்டு காணாமல் ஆக்கப்பட்ட உறவுகளை தேடிக்கண்டறியும் குடும்பங்களின் சங்கத்தினர் தெரிவித்துள்ளனர்.

விசேட பண்டிகை நாட்களில் சிறு குற்றங்களில் ஈடுபடும் கைதிகளுக்கு பொது மன்னிப்பு வழங்கி விடுதலை செய்யும் அரசாங்கம், நீண்டகாலமாக சிறைகளில் வாடும் தமிழ் அரசியல் கைதிகளை ஏன் விடுதலை செய்யவில்லை எனவும் கேள்வியெழுப்பிள்ளனர்.

தலைவர்களே இல்லாமல் ஜல்லிக்கட்டு தடைக்கு எதிராக தமிழக இளைஞர்கள் போராட்டக்களத்தில் இறங்கி இருப்பது ஒட்டுமொத்த இந்தியாவையே தமிழகத்தின் பக்கம் திரும்பிப் பார்க்கவைத்துள்ளது. வரலாற்றில் இடம்பிடித்துள்ள இந்தப் போராட்டத்தைத் தமிழக அரசு தடுத்து நிறுத்த முடியாமல் தவித்து வருகிறது. 

எந்தவித வன்முறையும் இல்லாமல், அறவழியில் நடைபெறும் இந்தப் போராட்டம் ஆரம்பித்தபோது, அதை சாதாரணமாக நினைத்தது தமிழக காவல்துறை. அதன்பிறகு நாட்கள் செல்லச்செல்ல…

அதன் வீரியம் அதிகரித்து வரும் நிலையில் அதைக் கட்டுப்படுத்த முடியாமல் கையைப் பிசைந்து நிற்கிறது. இந்த நிலையில், துணை ராணுவம்மூலம் பூச்சாண்டி காட்டத் தயாராகி வருகிறது மத்திய அரசு.

ஜல்லிக்கட்டு விவகாரத்தில் தமிழக அரசு மத்திய அரசையும், உச்ச நீதிமன்றத்தையும் நாடவேண்டிய நிலையில் உள்ளது. போராட்டத்தின் வீரியத்தை உணர்ந்த முதல்வர் பன்னீர்செல்வம் நேற்று (18-1-17) இரவு அவசரமாக டெல்லி சென்றார்.இன்று காலை பிரதமர் மோடியை சந்தித்து ஜல்லிக்கட்டு விவகாரம் குறித்து பேச்சுவார்த்தை நடத்தினார். ஆனால் ஓ.பி.எஸ் டெல்லிக்கு பயணம் செய்யும் முன்னே, டெல்லியில் இருக்கும் தமிழக அதிகாரிகள், ”மத்திய அரசு இந்த விஷயத்தில் பெரிய அக்கறை எடுத்துக்கொள்ளாமல்தான் உள்ளது.

நடப்பதை வேடிக்கை பார்க்கும் மனநிலையில்தான் உள்ளது” என்ற கருத்தை முதல்வரின் காதில் போட்டுவிட்டார்கள். அவர்கள் கூறியது போன்றே முதல்வர் பன்னீர்செல்வத்திடம் பிரதமர் மோடி, “ மத்திய அரசு இந்த விவகாரத்தில் எந்த நடவடிக்கையும் எடுக்க முடியாது, அதே நேரம் தமிழக அரசு எடுக்கும் நடவடிக்கைக்கு மத்திய அரசு உதவும்” என்று சாமர்த்தியமாகப் பேசி பன்னீரை அனுப்பிவிட்டார்.

“மத்திய அரசை நம்பி பயன் இல்லை, நாமே களத்தில் இறங்கவேண்டியதுதான்” என வருத்தப்பட்ட பன்னீர்செல்வம் சட்ட நிபுணர்களுடன் ஜல்லிக்கட்டுக்கு இருக்கும் தடையை உடைப்பது தொடர்பான ஆலோசனையில் ஈடுபட்டார். அதனால் இன்று மதியம் சென்னை திரும்பவேண்டிய அவர், தனது பயணத்தை ரத்து செய்துவிட்டு அங்கிருந்து தொடர்ந்து ஆலோசனையில் ஈடுபட்டு வருகிறார்.

தமிழக அரசியல் மீது ஒரு கண்வைத்திருந்த மத்திய அரசு, இப்போது களத்தில் இறங்கத் தயாராகிவிட்டது என்ற அதிர்ச்சித் தகவல்கள் டெல்லியில் இப்போது வெளியாகியுள்ளன. தமிழகத்தில் நடைபெறும் போராட்டங்கள் குறித்து மத்திய உளவுத் துறை, தொடர்ந்து மத்திய அரசுக்கு குறிப்புகள் அனுப்பிவருகின்றன. அதில் “தமிழக காவல்துறை போராட்டத்தைக் கட்டுப்படுத்தாமல் அதற்கு பாதுகாப்பாகத்தான் இருக்கிறது” என சுட்டிக்காட்டியுள்ளது.

இதைத்தான் மோடியின் அரசு கூர்ந்து கவனித்துவருகிறது. மத்திய அரசுக்கு எதிராக, தமிழக அரசே போராட்டத்தைத் தூண்டிவிடுகிறதா என்ற சந்தேகம் மத்திய அரசுக்கு எழுந்துள்ளது. தமிழக காவல்துறையினர் செயல்படாமல் இருந்துவிட்டுப் போனால், அடுத்து நமது துணை ராணுவத்தை இறக்கவேண்டியதுதான் என்ற மனநிலைக்கு வந்துள்ளது மத்திய அரசு. இன்று காலையிலேயே, தமிழகத்தில் இருக்கும் துணை ராணுவப்படை மையங்களுக்கு டெல்லியில் இருந்து உத்தரவு ஒன்று வந்துள்ளது.“துணை ராணுவப் படையினரைத் தயாராக வைத்துக்கொள்ளுங்கள்” என்று உத்தரவு வந்துள்ளதால், அனைத்து துணை ராணுவப் படையினரும் தயார் நிலையில் இப்போது உள்ளார்கள்.

“தமிழகத்தில் மைதானம் மற்றும் சாலைகளில் நடைபெற்று வந்த போராட்டங்கள், பிரதமர் கைவிரித்த பிறகு மத்திய அரசின் கட்டுப்பாட்டில் உள்ள ரயில் நிலையங்களை நோக்கி போராட்டக்காரர்கள் தங்கள் எதிர்ப்புகளைக் காட்ட ஆரம்பித்துள்ளனர். ஆங்காங்கு ரயில் மறியல் போராட்டங்களும் நடைபெறத் தொடங்கியுள்ளன.இதையெல்லாம் பார்க்கும் மத்திய அரசு சட்டம் – ஒழுங்கு மோசமாகிவிட்டது.தமிழகத்தில் மத்திய அரசு ஊழியர்களுக்கு பாதுகாப்பில்லை. அசாதாரணச் சூழ்நிலை நிலவுகிறது என்று அதிரடியாக மத்திய அரசு அறிவித்ததுடன், துணை ராணுவத்தையும் போராட்டக்களத்தில் இறக்கி போராட்டத்தை ஒடுக்கத் திட்டம் தீட்டுகிறது” என்கிறார்கள் டெல்லி அதிகாரிகள்.

இதே காரணத்தை வைத்து தமிழக அரசுக்கு மத்திய அரசு செக் வைக்கவும் வாய்ப்புள்ளது. தமிழக அரசுக்கும் இதுகுறித்த அச்சம் இருப்பதாக அதிகாரிகள் தரப்பில் சொல்லப்படுகிறது. பிரதமர் சந்திப்புக்குப் பிறகு போராட்டத்தின் வீரியம் குறைந்து, நிலைமை சரியாகிவிடும் என்று எதிர்பார்த்தனர் காவல்துறை அதிகாரிகள். ”முடிவு தெரியாமல் நாங்கள் போராட்டத்தை கைவிட முடியாது” என்று போராட்டத்தில் ஈடுபடுபவர்கள் அறிவித்துவிட்டதால், அடுத்து என்ன செய்வது என்ற ஆலோசனையில் ஈடுபட்டு வருகின்றனர் காவல் துறையினர். இதே நிலை, நாளை காலைவரை நீடித்தால் மத்தியதுணை ராணுவப் படை தமிழகத்துக்குள் நுழைந்துவிடும் என்கிற அச்சம் இப்போது அதிகாரிகள் மத்தியி்ல் ஏற்பட்டுள்ளது.

கடைசிச் செய்தி – டெல்லியில் முகாமிட்டுள்ள ஓ.பி.எஸ்ஸுடன் மத்திய உள்துறை உயர் அதிகாரிகள் தொடர்புகொண்டு, நிமிடத்துக்கு நிமிடம்… ‘தமிழகத்தில் மத்திய அரசு அலுவலகங்களின் வாசல்களில் நடக்கும் போராட்டங்களைப் பற்றி விவரித்து, அதை கட்டுப்பாட்டுக்குள் கொண்டுவரப் பாருங்கள்’ என்று சூட்சமமாக சொல்லிவருகிறார்கள். இதற்கு ஒ.பி.எஸ்ஸின் உடனடி ரியாக்ஷனை மத்திய அரசு எதிர்பார்க்கிறது.

நுவரெலியாவில் இன்று தேசிய பொங்கல் விழா ஜனாதிபதி மைத்திரிபால சிறிசேன தலைமையில் இடம்பெறும் என்று அரசாங்கம் அறிவித்திருந்த போது, இந்த நிகழ்வில் ஜனாதிபதி பங்கேற்கவில்லை
தேசிய தைப்பொங்கல் விழா ஜனாதிபதி மைத்திரிபால சிறிசேன மற்றும் பிரதமர் ரணில் விக்கிரமசிங்க ஆகியோர் தலைமையில் இன்று நுவரெலியாவில் இடம்பெறும் என அரசாங்க இணையதளத்தில் நேற்று செய்தி வெளியிடப்பட்டிருந்தது
இருப்பினும், இந்த நிகழ்வில் ஜனாதிபதி பங்கேற்க மாட்டார் என பின்னர் தெரிவிக்கப்பட்டது. இந்த நிகழ்வு பிரதமர் தலைமையிலேயே இன்று இடம்பெற்றது. தேசிய தைப்பொங்கல் விழாவை ஜனாதிபதி மைத்திரிபால புறக்கணித்தமை ஏன் என்பது தொடர்பான காரணம் வெளியிடப்படவில்லை. தேசிய நல்லிணக்கத்துக்காக தாம் பாடுபடுவதாக அவ்வப்போது உறுதி மொழிகளை வழங்கிவரும் ஜனாதிபதி, தேசிய பொங்கல் விழாவை புறக்கணித்துள்ளமையானது சமூக ஆர்வலர்கள் மத்தியில் விமர்சனத்துக்கு உள்ளாக்கியுள்ளதாக தெரிவிக்கப்பட்டுள்ளது.

பிரித்தானியாவின் பல பாகங்களிலும் நாளைய தினம் கடும் குளிருடனான காலநிலை நிலவும் என அந்நாட்டு வானிலை ஆய்வாளர்கள் எச்சரிக்கை விடுத்துள்ளனர்.

குறிப்பாக ஸ்கொட்லாந்து மற்றும் வடக்கு அயர்லாந்து பகுதிகளில் வெப்பநிலை கணிசமான அளவு குறையும் எனவும் அவர்கள் குறிப்பிட்டுள்ளனர்.

இந்நிலையில், ஸ்கொட்லாந்து மற்றும் வடக்கு அயர்லாந்தின் பல பகுதிகளிலும் மஞ்சள் எச்சரிக்கை விடுக்கப்பட்டுள்ளதாக அந்த நாட்டு ஊடகங்களை மேற்கோள்காட்டி செய்திகள் வெளியாகியுள்ளன.

இதேவேளை, இந்த வாரத்தின் இறுதியில் கடுமையான மழை பெய்ய கூடும் என தெரிவிக்கப்பட்டுள்ள போதிலும், இது குறித்த உறுதியாக எதுவும் கூறமுயாது என அந்நாட்டு வானிலை ஆய்வாளர்கள் மேலும் தெரிவித்துள்ளனர்.

சீனா, லண்டன் இடையிலான நேரடி சரக்கு ரயில் சேவையை சீனா தொடங்கி வைத்துள்ளது.

சீனாவின் கிழக்கில் உள்ள யீ வூ நகரிலிருந்து புறப்பட்டுச் சென்ற சரக்கு ரயில் இரண்டு வாரங்களில் 12,000 மைல்(19,000 கி.மீ) பயணித்து லண்டன், Barking நிலையத்தை சென்றடையவுள்ளது.

ஐரோப்பா நாடுகளுடனான வர்த்தக மற்றும் முதலீட்டு உறவுகளை பலப்படுத்தும் நோக்கத்தில் சீனா இந்த ரயில் சேவையை தொடங்கியுள்ளது.

துணிகள், பைகள் மற்றும் பிற வீட்டு உபயோக பொருட்களுடன் பயணத்தை தொடங்கியுள்ள ரயில், கஜகஸ்தான், ரஷ்யா, பெலாரஸ், போலந்து, ஜேர்மனி, பெல்ஜியம், பிரான்ஸ் வழியாக பிரித்தானியா செல்கிறது.

விமான சேவை, கப்பல சேவையை விட இந்த சரக்கு ரயில் சேவை ஏற்றுமதியாளர்களுக்கு குறைந்த செலவில் மிகவும் பயனுள்ளதாக இருக்கும் என கூறப்படுகிறது.

ஏற்கனவே சீனா, ஜேர்மனி மற்றும் ஸ்பெயின் நாடுகளுக்கு இடையே ரயில் சேவைகள் உள்ளது குறிப்பிடத்தக்கது.

குளியாப்பிட்டியவில் அமையப்பெறவுள்ள வொக்ஸ்வாகன் மோட்டார் கார் தொழிற்சாலைக்கான அடிக்கல் நாட்டு நிகழ்வு ஜனாதிபதி மைத்திரிபால சிறிசேன மற்றும் பிரதமர் ரணில் விக்கிரமசிங்கவின் தலைமையில் இன்று நடைபெற்றது.

குளியாப்பிட்டிய லபுயாய பிரதேசத்தில் 50 ஏக்கர் நிலப்பரப்பில் குறித்த மோட்டார் வாகன தொழிற்சாலை அமையப்பெறவுள்ளது.

அடிக்கல் நாட்டு நிகழ்வில் நிதியமைச்சர் ரவி கருணாநாயக்க, கல்வியமைச்சர் அகிலவிராஜ் காரியவசம் உட்பட பலர் கலந்து கொண்டனர்.

அமெரிக்கர்கள் வந்து நாட்டை ஆட்சி செய்கிறார்கள்

கடந்த 2015ஆம் ஆண்டு ஆட்சி மாற்றத்தை ஏற்படுத்துவதில் இந்தியா பிரதான பங்கை வகிக்க வில்லை என்றும், அமெரிக்காவும் புலம்பெயர் தமிழர்களுமே பிரதான பங்கை வகித்ததாக வும்,  முன்னாள் ஜனாதிபதி மகிந்த ராஜபக்ச தெரிவித்துள்ளார்.

கொழும்பில் நேற்று  வெளிநாட்டு செய்தியாளர் சங்கத்தைச் சேர்ந்த ஊடகவியலாளர்களை சந்தித்த போதே அவர்   இவ்வாறு குறிப்பிட்டுள்ளார்.

இலங்கையில் ஆட்சிமாற்றத்தை ஏற்படுத்துவதில் பிரதான பங்கை இந்தியா வகிக்கவில்லை. அமெரிக்காவும், புலம்பெயர் தமிழர்களுமே பிரதான பங்கு வகித்தனர். இந்தியா துணைப் பங்கையே ஆற்றியிருந்தது.

இலங்கை, மியான்மார், நைஜீரியாவில் ஆட்சிமாற்றங்களை ஏற்படுத்துவதற்கு, 648 மில்லி யன் டொலரைச் செலவிட்டுள்ளதாக அமெரிக்கா ஒப்புக் கொண்டுள்ளது.

இப்போதும் கூட இலங்கையில் நாடாளுமன்ற உறுப்பினர்களின் அபிவிருத்திக்காக ஒரு பில்லி யன் ரூபாவை செலவிடுகிறது

தற்போதைய அரசாங்கம் அமெரிக்காவுடன் நேசம் பாராட்டி வருகிறது இலங்கை.அதிகாரி களுக்கு அவர்கள் பயிற்சி அளிக்கிறார்கள்.

அமெரிக்கர்கள் வந்து நாட்டை ஆட்சி செய்கிறார்கள் என்றும் மகிந்த ராஜபக்ச கோபத்துடன் குறிப்பிட்டார்.

இந்த ஆண்டு ஏ9 வீதியிலேயே அதிகளவான வாகன விபத்துக்கள் இடம்பெற்றுள்ளதாக தகவல்கள் வெளியாகியுள்ளன.

குறித்த வீதியில் இடம்பெற்ற விபத்துக்களினால் மாத்திரம் 117 பேர் உயிரிழந்துள்ளதாகவும் தெரிவிக்கப்படுகின்றது.

இதில் அண்மையில் சாவகச்சேரி, சங்கத்தானைப் பகுதியில் இடம்பெற்ற விபத்தும் உள்ளடங்குகின்றது.

குறிப்பாக யாழ்ப்பாணம், கிளிநொச்சி, வவுனியா மாவட்டங்களுக்குட்பட்ட ஏ-9 பாதையிலேயே அதிகளவிலான விபத்துக்கள் இடம்பெற்றுள்ளன.

போக்குவரத்து விதிமுறைகளை மீறியதாலும், மதுபோதையில் வாகனங்களைச் செலுத்தியதாலுமே இவ்வாறான விபத்துக்கள் இடம்பெற்றுள்ளதாக மேலும் தெரிவிக்கப்பட்டுள்ளது.

யாழ்ப்­பாணம் சாவ­கச்­சேரி சங்­கத்­தானை பகு­தியில் இடம்­பெற்ற கோர விபத்தில் 11 பேர் உயிரிழந்தனர். இவ்விபத்தில் சிக்கிய எமது உறவுகளை தமிழ் மக்கள் உடனடியாக மீட்டு வைத்தியசாலையில் அனுமதித்ததோடு சகல உதவிகளையும் செய்தனர். சிங்களவர்கள் மீது வெறுப்பாக இருப்பார்கள்    என நினைத்­து­கொண்­டி­ருந்த நிலையில்  விபத்தில் தமிழ் மக்­களே எமக்கு பூரண உதவிகளை வழங்கினார்கள் என விபத்தில் உயிரிழந்தவர்களின் உறவுகள் கண்ணீருடன் தெரிவித்துள்ளனர்.

 விபத்து சம்­ப­வத்­தை­ய­டுத்து உயி­ரி­ழந்­த­வர்­களின் உற­வி­னர்கள் நேற்று அதி­காலை முதல் யாழ்.போதனா வைத்­தி­ய­சா­லைக்கு வருகை தந்­தி­ருந்த நிலையில் அவர்­க­ளுக்­கான தங்­கு­மிடம் உணவு ஏற்­பா­டுகள் போன்ற அவர்­க­ளது அனைத்து தேவைகள் தொடர்­பான ஏற்­பா­டு­க­ளையும் யாழ்.போதனா வைத்­தி­ய­சா­லை­யினர் ஏற்­பாடு செய்­தி­ருந்­த­தாக வைத்­தி­ய­சா­லையின் பணிப்­பாளர் சத்­தி­ய­மூர்த்தி தெரி­வித்தார்.

இதே­வேளை விபத்து சம்­பவம் இடம்­பெற்ற போது இன பேதங்­களை மறந்து காய­ம­டைந்­த­வர்­களை உட­ன­டி­யாக வைத்­தி­ய­சா­லையில் சேர்ப்­ப­தற்கு உத­விய யாழ்.மக்­க­ளுக்கு உயி­ரி­ழந்த மற்றும் காய­ம­டைந்­த­வர்­களின் உற­வி­னர்கள் தமது நன்­றி­களை தெரி­வித்­துள்­ளனர். 

குறிப்­பாக இது தொடர்­பாக இச் சம்­ப­வத்தில் உயி­ரி­ழந்­த­வர்­களின் உற­வி­னர்கள் சிலர் தெரி­விக்­கையில் தமி­ழர்கள் எம்­மீது வெறுப்­பாக உள்­ளார்கள், என நினைத்­து­கொண்­டி­ருந்த நிலையில் இவ் விபத்தில் தமிழ் மக்­களே எமக்கு பூரண உதவிகளை வழங்கியிருந்தார்கள். எமது இறந்த உறவுகளையும் காயமடைந்தவர்களையும் உடனடியாகவே வாகனத்தில் இருந்து மீட்டெடுத்து வைத்தியசாலையில் அனுமதிப்பதற்கும் எனைய உதவிகளை செய்வதற்கும் பூரண ஒத்துழைப்பை வழங்கியிருந்தார்கள். 

அத்துடன் யாழ்.போதனா வைத்தியசாலையின் நிர்வாகத்தினரும் தங்குமிட உணவு ஏற்பாடுகளை வழங்கியிருந்தனர். 

இவ்வாறான நிலையில் இவர்கள் எமக்கு வழங்கிய உதவிகளை சாகும் வரையில் மறக்க மாட்டோம் என்று நன்றிகளை தெரிவித்துள்ளனர்.  

நெஞ்சு, வயிறு பகுதிகளில் பலமாக  அடி பட்டதே மர­ணத்­திற்­கான காரணம்..

யாழ்ப்­பாணம் சாவ­கச்­சேரி சங்­கத்­தானை பகு­தியில் இடம்­பெற்ற கோர விபத்தில் பலி­யான பதி­னொரு பேரி­னதும் சட­லங் கள் யாழ்ப்­பா­ணத்தில் இருந்து விசேட வானூர்தி மூலம் நேற்று களுத்­து­றைக்கு கொண்டு செல்­லப்­பட்­டன. 

மேலும் குறித்த பதி­னொரு பேருக்கும் நெஞ்சு, வயிறு ஆகிய பகு­திகள் உள்­ள­டங்­க­லாக உடலின் பல பாகங்­க­ளிலும் ஏற்­பட்ட காயங்­களே மர­ணத்­திற்­கான காரணம் என யாழ்.போதனா வைத்­தி­ய­சா­லையின் சட்ட வைத்­திய அதி­காரி மயூ­ரதன் தெரி­வித்­துள்ளார். நேற்­று­முன்­தினம் சனிக்­கி­ழமை யாழ்ப்­பாணம் சாவ­கச்­சேரி சங்­கத்­தானை பகு­தியில் களுத்­து­றையில் இருந்து வந்த சுற்­றுலா பய­ணி­க­ளது வாக­னமும் யாழ்ப்­பா­ணத்தில் இருந்து வவு­னியா நோக்கி சென்ற இலங்கை போக்­கு­வ­ரத்து

சபைக்கு சொந்­த­மான பஸ்ஸ{ம் நேருக்கு நேர் மோதி­யதால் ஏற்­பட்ட கோர விபத்து சம்­ப­வத்தில் வேனில் வந்த ஒரே குடும்­பத்தை சேர்ந்த பத்­துபேர் சம்­பவ இடத்­தி­லேயே உயி­ரி­ழந்­தி­ருந்­தனர்.

அத்­துடன் குறித்த சம்­ப­வத்தில் வேனில் பய­ணித்த இரு­வரும் மற்றும் பஸ்ஸில் பய­ணித்த நால்­வ­ரு­மாக ஆறு பேர் படு­கா­ய­ம­டைந்த நிலையில் யாழ்.போதனா வைத்­தி­ய­சா­லையில் சேர்க்­கப்­பட்­டி­ருந்­தனர். அவ்­வாறு வைத்­தி­ய­சா­லையில் சேர்க்­கப்­பட்­டி­ருந்­த­வர்­களில் ஒரு­வ­ரான குறித்த வேனில் பய­ணித்த பதி­னொ­ரா­வது நபரும் சிகிச்சை பல­னின்றி அன்று மாலை உயி­ரி­ழந்­தி­ருந்தார்.

இதன்­படி களு­தா­வில மாத்­த­ளையைச் சேர்ந்த சுஜீத் பிர­சன்ன சில்வா (வயது 37), பத்­த­ர­கா­மத்தைச் சேர்ந்த உப்புல் இந்­தி­ர­ரட்ன (வயது 55), கல்­தோட்­டையைச் சேர்ந்த சும­னா­வதி (வயது 65), ஜெய­ரட்ண (வயது 75), மாதம்­பேயைச் சேர்ந்த குண­சேன (வயது 58), குண­ரட்ன (வயது 52), நந்­தா­வதி (வயது 67), லீலா­வதி (வயது 59), சந்­தி­ரா­வதி (வயது 60) லகுறு மது­சங்க (வயது 23), தயா­வதி (வயது 54), ஆகி­யோரே இவ் விபத்தில் உயி­ரி­ழந்­த­வர்­க­ளாவர். உயி­ரி­ழந்­த­வர்­களின் சட­லங்கள் யாழ்.போதனா வைத்­தி­ய­சா­லையில் வைக்­கப்­பட்­டி­ருந்த நிலையில் சாவ­கச்­சேரி பதில் நீதிவான் எஸ்.கண­ப­தி­பிள்ளை நேரில் சென்று மரண விசா­ர­னை­களை மேற்­கொண்­டி­ருந்தார். சட­லங்கள் தொடர்­பான பிரேத பரி­சோ­த­னை­களை யாழ்.போதனா வைத்­தி­ய­சா­லையின் சட்ட வைத்­திய அதி­காரி மயூ­ரதன் மேற்­கொண்­டி­ருந்தார்.

இதன்­படி குறித்த மரணம் ஏற்­பட்­ட­மைக்­கான காரணம் தொடர்பில் சட்ட வைத்­திய அதி­காரி தெரி­விக்­கையில், அனை­வ­ரது உட­லிலும் நெஞ்சு மற்றும் வயிற்று பகு­தியில் பல­மான காயம் ஏற்­பட்­டி­ருந்­தன. அத்­துடன் உடலில் ஏனைய பகு­தி­க­ளிலும் ஏற்­பட்­டி­ருந்த காயங்­களே மர­ணத்­திற்­கான கார­ண­மாகும். குறிப்­பாக உயி­ரி­ழந்­த­வர்­க­ளது உடலில் உள்ள காயங்­களை அடிப்­ப­டை­யாக கொண்டு பார்க்கும் போது விபத்து இடம்­பெற்று சிறிது நேரத்­தி­லேயே உயி­ரி­ழந்­தி­ருக்­கலாம் எனவும் அவர் தெரி­வித்­தி­ருந்தார்.

இதனை தொடர்ந்து பதி­னொரு சட­லங்­களில் மாத்­தளை பகு­தியை சேர்ந்­த­வரின் சடலம் வாக­னத்தில் கொண்டு செல்­லப்­பட்­ட­துடன் ஏனைய பத்து பேரின் சட­லங்­களும் இலங்கை விமான படை­யினர் மற்றும் தரைப்­ப­டை­யி­னரின் ஒத்­து­ழைப்­புடன் விஷேட வானூர்தி மூலம் யாழ்ப்­பாணம் பலா­லியில் இருந்து கொழும்பு இரத்­ம­லானை விமான நிலை­யத்­திற்கு கொண்டு செல்­லப்­பட்டு அங்­கி­ருந்து களுத்­துறை மாதம்பை மற்றும் ஏனை­யோ­ரது இடங்­க­ளுக்கு வாக­னத்தில் கொண்டு செல்­லப்­பட்­டன.

விசாரணைகள் பூர்த்தியாகும் முன்னர் விடுதலை புலிகள் அமைப்பின் முன்னாள் தலைவர் குமரன் பத்மநாதனை கைது செய்யுமாறு உத்தரவு பிறப்பிக்க முடியாதென்று மேல்முறையீட்டு நீதிமன்றம் தெரிவித்துள்ளது

குமரன் பத்மநாதனை கைது செய்து நீதிமன்றத்தில் ஆஜர்படுத்தும்படி போலீசாருக்கு உத்தரவொன்றை பிறப்பிக்குமாறு கோரி மக்கள் விடுதலை முன்னணி தாக்கல் செய்த மனு அழைக்கப்பட்ட போது மேல்முறையீட்டு நீதிமன்றத்தின் தலைமை நீதிபதி விஜித் மழல்கொட இதனை தெரிவித்தார்.

ஆதாரங்கள் முன்வைக்கப்பட்டால் மாத்திரமே ஒரு நபரை கைது செய்யுமாறு உத்தரவு பிறப்பிக்க முடியுமென்று கூறிய நீதிபதி, ஊடகங்களில் வெளியாகும் செய்திகளை அடிப்படையாகக் கொண்டு கைது உத்தரவுகளைப் பிறப்பிக்க முடியாதென்று அறிவித்தார்.

இந்த மனு அழைக்கப்பட்ட போது மனுதாரர் சார்பில் ஆஜரான வழக்கறிஞர் கருத்து தெரிவிக்கையில், முன்னாள் இந்திய பிரதமர் ராஜீவ் காந்தி கொலை சம்பந்தமாக குமரன் பத்மநாதனை கைது செய்யுமாறு இந்திய நீதிமன்றமொன்று உத்தரவு பிறப்பித்துள்ள போதிலும் அவரை கைது செய்து நாடு கடத்த இலங்கை அரசாங்கம் மறுத்து வருவதாக குற்றம்சாட்டினார்.

இந்த குற்றச்சாட்டை நிராகரித்த அரசு தரப்பு வழக்கறிஞர், இந்திய அரசாங்கத்திடமிருந்து முறையான வேண்டுகோளொன்று முன்வைக்கப்பட்டால் மாத்திரமே அதனை மேற்கொள்ள முடியுமென்று கூறினார்.

குமரன் பத்மநாதன் தொடர்பாக போலீசார் விசாரணைகளை முன்னெடுத்து வருகின்ற காரணத்தினால் இந்த மனு முன்கொண்டு விசாரணை செய்யும் அவசியம் ஏற்படவில்லையென அரசு தரப்பு வழக்கறிஞர் நீதிமன்றத்தில் தெரிவித்தார்.

இதன் படி குமரன் பத்மநாதன் சம்பந்தமாக விசாரணைகளை மேற்கொள்ள போலீசாருக்கு மேலும் கால அவகாசம் வழங்கிய நீதிபதி, மனு மீதான விசாரணைகளை எதிர் வரும் மார்ச் மாதம் 17-ஆம் தேதி வரை ஒத்திவைப்பதாக உத்தரவிட்டார்.

தமிழக முதல்வர் ஜெ.ஜெயலலிதாவின் மரணத்தில் மொத்த தகவல்களும் மறைக்கப்பட்டிருப்பதாகவும், அதில் உள்ள சந்தேகங்களை தெளிவுபடுத்துமாறும் நடிகை கெளதமி பிரதமர் நரேந்திர மோதிக்கு கோரிக்கை விடுத்துள்ளார்.


கடந்த 5 ஆம் தேதி நள்ளிரவு 11.30 மணிக்கு மாரடைப்பு காரணமாக தமிழக முதல்வர் ஜெ ஜெயலலிதா காலமானார். அதற்கு மறுநாள் தமிழக முதல்வரின் பூதவுடல் பொதுமக்கள் அஞ்சலிக்கு வைக்கப்பட்டு மாலையில் சென்னை மெரினா கடற்கரையில் அமைந்துள்ள எம்.ஜி.ஆர் நினைவிடத்திற்கு பின்னால் புதைக்கப்பட்டது.

இந்த நிலையில், காலஞ்சென்ற தமிழக முதல்வர் ஜெயலலிதாவின் மரணம் குறித்து திரைப்பட நடிகை கெளதமி பல சந்தேகங்களை எழுப்பி பிரதமர் மோதிக்கு கடிதம் ஒன்றை எழுதியுள்ளார்.

அதிர்ச்சி மரணம்

தமிழக முதல்வரின் அதிர்ச்சி மறைவு குறித்த செய்தியை அறிந்து வருத்தப்பட்ட கோடான கோடி மக்களில் நானும் ஒருத்தி. இந்திய அரசியலில் ஜெயலலிதா ஆளுமைமிக்க நபராகவும், பெண்களுக்கு ஒரு பெரிய உத்வேகமாகவும் விளங்கியவர். எல்லா பிரச்சினைகளிலும் ஜெயலலிதாவின் மறுக்க முடியாத வலிமை மற்றும் அவருடைய விடாமுயற்சி குணம் ஒவ்வொருவரின் வாழ்விலும் தங்கள் கனவுகளை நோக்கி செல்ல தொடர்ந்து ஊக்குவிக்கும்.

முதல்வரின் சிகிச்சைகளை தீர்மானித்தது யார்?

முதல்வர் ஜெயலலிதாவின் மரணம் அதிக சோகம் மற்றும் மிகுந்த கலக்கத்தை ஏற்படுத்தி இருக்கிறது. காரணம், முதல்வர் ஜெயலலிதா மருத்துவமனையில் அனுமதிக்கப்பட்டதிலிருந்து திடிரென மறைந்தது வரை பதிலளிக்கப்படாத கேள்விகள் நிறைய உள்ளன. இந்த விஷயங்கள் குறித்து நிறைய தகவல்கள் மொத்தமாக மறைக்கப்பட்டுள்ளன. ஜெயலலிதா மருத்துவமனையில் அனுமதிக்கப்பட்ட போது அவரை நேரில் சந்திக்க பல முக்கிய பிரமுகர்களுக்கு அனுமதி வழங்கப்படவில்லை. தமிழகத்தின் முதல்வராக, பொதுமக்களின் அன்பிற்கினிய தலைவராகவும் இருந்த ஒருவரை எதற்காக தனிமைபடுத்தி மற்றும் ரகசியமாக வைக்க வேண்டும். முதல்வரின் சிகிச்சைகளை தீர்மானித்தது யார்? இதுபோன்ற பொதுமக்களின் கேள்விகளுக்கு பதில் சொல்லப்போவது யார் ? என்றார் கௌதமி.

முதல்வரின் மரணம் தெரிந்து கொள்ளும் உரிமை உள்ளது

ஜனநாயக முறைப்படி தேர்ந்தெடுக்கப்படும் தலைவர்களின் நிலை குறித்து தெரிந்து கொள்ள இந்தியாவின் ஒவ்வொரு குடிமகனுக்கும் உரிமை உள்ளது. அப்படிப்பட்ட சூழலில் இத்தகைய பெரும் அளவிலான ஒரு சோகத்தை ஏற்படுத்திய நிகழ்வு கேள்வி கேட்கப்படமாலோ அல்லது கண்டிப்பாக பதிலளிக்கப்பட முடியாமலோ சென்றுவிடக்கூடாது. பின், எவ்வாறு ஒரு சாதாரண குடிமகன் தன்னுடைய சொந்த உரிமைகளுக்காக போராடும் போது என்ன வாய்ப்பு இருக்கிறது?, என்று கேட்டார் கௌதமி.

என் சக குடிமகனின் கேள்விகளுக்கு செவிமடுங்கள் மோதி

ஒவ்வொரு குடிமகனின் உரிமையையும் உறுதியாக நிலைநாட்டும் நோக்கில் என்னுடைய கவலையை நீங்கள் பகிர்ந்து கொள்வீர்கள் என்பதை முழுமையாக நம்புகிறேன். எனது சக குடிமகனின் கோரிக்கைகளுக்கு செவிசாய்ப்பீர்கள் என்பதை முழுமையாக நம்புகிறேன், என்று பிரதமர் மோதிக்கு எழுதிய இந்த கடிதத்தில் நடிகை கெளதமி குறிப்பிட்டுள்ளார். மேலும், தன்னுடைய சமூக வலைத்தளங்களிலும் இதுகுறித்து பகிர்ந்துள்ளார்.

ஒரு காலத்தில்  நாங்கள் பலம் வாய்ந்தவர்களாக இருந்தோம்.விடுதலைப் போராட்டத்தில் எல்லா நாடு களும் வியக்கும் வண்ணம் அனைத்துப் படைகளையும் கொண்ட தலைமைத்துவமாக இருந்தோம்.
ஆனால் இப்பொழுது அரசியல் செய்ய பெயருக்கு தலைவர்கள் இருக்கிறார்கள் எனினும் சரியான தலைமைத்துவம் இல்லை. வருகின்ற ஆண்டிற்கான அரசியல் அமைப்பு திட்டம் சாதகமாக வந்தால் நாம் நினைத்ததை செய்வதற்கு ஓரளவு இலகுவாக இருக்கும் என  சர்வதேச மாற்றுத் திறனாளிகள் தினத்தினை  முன்னிட்டு யாழ்ப்பாணம் "கருவி " சமூக வள நிலையத்தால் நேற்றையதினம்  ஏற்பாடு செய்யப்பட்ட விசேட நிகழ்வில் சிறப்பு விருந்தினராக கலந்து கொண்ட வடக்கு மாகாண விவசாய அமைச்சர் பொ.ஐங்கரநேசன் தெரிவித்தார். அவர் தனதுரையில் மேலும் தெரிவித்ததாவது

வடக்கு மாகாண சபை என்ற ஒன்று தோற்றம் பெற்றதன் நோக்கம் எல்லோருக்கும் ஏதேனும் நல்லது செய்ய வேண்டும் என்றுதான்.தனது சக்திக்கு உட்பட்ட வேலைகளை மக்களுக்கு செய்து வருகின்றது.குறிப்பாக சுகாதார அமைச்சுடன் இணைந்து இந்த மாற்றுத் திறனாளிகளுக்கானா கழிப்பறை வசதிகள்,ஏன் பேருந்து களில்  கூட இவர்களின் நன்மை கருதி தாழ்வான படிக்கட்டுகளை அமைப்பது பற்றிக் கூட ஆராய்ந்து வரு கின்றது.

கரிசனை என்று ஒன்று  எல்லோரிடமும் காணப்படுகின்றது.ஆனால் நாம் அதனை நடைமுறைப்படுத்த பல சிக்கல்களை எதிர்நோக்குகின்றோம்.   மாற்றுத்திறனாளிகள் என்று யாரும் இல்லை. எல்லோரும்  ஏதோ ஒரு வகையில் அங்கவீனமானவர்களாகத்தான் இருக்கின்றார்கள். அந்த வகையில் அரசியல்வாதிகளும் ஏதோ ஒரு வகையில் அங்கவீனமானவர்கள்தான்.அரசியலில் நாம் அங்கவீனர்கள் என்று கூறுவதில் எங்களுக்கு எந்தவிதமான வெட்கமும் இல்லை..உண்மையில் இயற்கையாகவும்,மரபணு ரீதியாகவும்,விபத்துக்கள் மூலமாகவும் பாதிக்கப்பட்ட  மாற்றுத்திறனாளிகள் குறைந்த அளவிலேயே நமது பிரதேசத்தில் காணப்ப ட்டனர்.

ஆனால்  போருக்கு பின்னர் நம் மத்தியில்  மாற்றுத்திறனாளிகள் அதிகரித்துள்ளனர். சமூக சேவைகள் திணைக்களத்தின் கணக்கெடுப்பின்படி 10908 மாற்றுத்திறனாளிகள் நமது பிரதேசத்தில் காணப்படுகி ன்றனர்.இந்த எண்ணிக்கையானது போரின் போது எதோ ஒரு வகையில் பாதிக்கப்பட்டவர்கள் அதிகமாக உள்ளனர்.உங்களுடன் ஒப்பிடுகையில் நாங்களும் அங்கவீனர்கள் தான்.நாம் சொல்ல நினைப்பவற்றை சொல்ல முடியாமலும்,செய்யமுடியாமலும்,கேட்க வேண்டிய விடயங்களை கேட்காதது போல பாசாங்கு செய்து  சமூகத்தின் மத்தியில் தலை குனிந்து நிற்கின்றோம்.

உரத்து பேசவேண்டிய இடத்தில் பேசமுடியாதவர்களாக நிற்கின்றோம்.எமது உரிமைகள் வேண்டும் என்று கேட்டால் சிங்கள மக்களோடு மீண்டும் முரண்படுவோமோ அல்லது அரசாங்கத்திடம் எதிர்ப்புக்களை சம்பாதித்து விடுவோமோ என்று நாம் வாய் பேசாத அரசியல்வாதிகளாக நிற்கின்றோம்.

எமது அரசியல் வாதிகளின் குண அம்சம் அடுத்த தேர்தலில் இருக்கைகள்  வேண்டும் என்றால் ,கட்சிகளின் தலைவர்களின் விதிகளை மீறாமல் இருப்பதற்கு பல விடயங்களை கண்டும் காணாதது போல் இருக்க வேண்டிய கட்டாய நிலைமைக்கு நாங்கள் இருக்கின்றோம்.

நாம் பெண் தலைமைத்துவ குடும்பத்திற்கு உதவுவதற்கு முன்வந்து,காளான் உற்பத்தியை சுயதொழில் ஆக்குவதற்கு மத்திய அரசினால் ஒரு குடும்பத்திற்கு 40000 பணம் ஒதுக்கப்பட்டது.ஆனால் உண்மையில் அவ்வாறான ஒரு உற்பத்தியை மேற்கொள்ள 150000 வரை செலவாகின்றது.இப்படி இருக்கையில் நாம் என்ன செய்வது.அமைச்சர்களுக்கு ஒதுக்கப்பட்ட பிராமண அடிப்படையிலான நிதியில் இருந்து ஒரு மாணவனுக்கு சைக்கிள் ஒன்றை வழங்கினோம்.ஆனால் அந்த மாணவன் கல்வியில் சிறந்து விளங்குகின்றான என்ற  கடிதம் ஒன்றை அதிபர் மூலமாக பெற்றுத் தரும்படி  மத்திய அரசில் இருந்து கடிதம் எனக்கு போடப் பட்டிருக்கிறது.இப்படியான நிலைகளின் மத்தியில் நாம் இருக்கின்றோம்.

நாம் ஆயுத மூலமான போராட்டத்தில் தோற்று விட்டோம்.நாங்கள் நின்று குரல் எழுப்புவதற்கு தான் மாகாண சபையை ஆதரித்தோம்.ஆனால் இதில் இன்று எதையுமே சாதிக்க முடியாதவர்களாக இருக்கின்றோம்.இன்று எமக்கு கிடைத்த ஒரே ஒரு சொத்து எமது முதலமைச்சர் மட்டுமே.அவரை நாம் உரிய முறையில் அணுகி பலனைப் பெறவேண்டும். ஆளுநர் அவர்கள் மாகாண சபை தோற்றம் பெறுவதற்கு முன்னர் கணிசமான நிதியை அமைச்சுக் களில் இருந்து எடுத்து  தனது வைப்பில் வைத்திருந்தார்.ஆனால் இப்பொழுது அந்த நிதி எமது அமைச்சுக்கு மீளவும் கிடைத்திருக்கின்றது.அதனை நாம் பெண் தலைமைத்துவ குடும்பங்கள்,போரினால் பாதிக்கப்பட்டோர்,மாற்று வலுவுள்ளோர் ஆகியவர்களுக்கு வழங்குவதாக தீர்மானித்துள்ளோம். இவ்வாறான நிதியை சுய தொழில்களுக்கு பயன்படுத்தி இவர்களை வெற்றி அடையச் செய்வோம்.என்று அவர் தனது உரையில் தெரிவித்தார்.

பொலிஸ் நிதிக்குற்ற விசாரணைப் பிரிவினரால் இவர் கைது செய்யப்பட்டுள்ளார்.

முன்னாள் பிரதியமைச்சர் கருணா என அழைக்கப்படும் விநாயகமூர்த்தி முரளிதரன் சற்றுமுன் கைது செய்யப்பட்டுள்ளார்.

பொலிஸ் நிதிக்குற்ற விசாரணைப் பிரிவினரால் இவர் கைது செய்யப்பட்டுள்ளார்.

பிரதியமைச்சராக பதவி வகித்த காலப்பகுதியில் பயன்படுத்திய வாகனம் தொடர்பில் வாக்குமூலம் ஒன்றை பதிவு செய்வதற்காக கருணா இன்று அழைக்கப்பட்டிருந்தார். இந்த நிலையிலேயே இவர் கைது செய்யப்பட்டுள்ளார்.

மேலும், கைது செய்யப்பட்டுள்ள கருணா இன்று பிற்பகல் வேளையில் நீதிமன்றத்தில் ஆஜர்ப்படுத்தப்பட உள்ளனர் எனவும் தெரிவிக்கப்பட்டுள்ளது.

தமிழீழ விடுதலைப் புலிகள் அமைப்பின் முக்கிய உறுப்பினராக இருந்த கருணா அதிலிருந்து விலகி, மஹிந்த ராஜபக்ஸவுடன் இணைந்து கொண்டார்.

மஹிந்த ராஜபக்ஸ ஆட்சிக்காலததில் அவருக்கு பிரதியமைச்சர், மற்றும் ஶ்ரீ லங்கா சுதந்திரக் கட்சியின் உப தலைவர் போன்ற முக்கிய பொறுப்புக்கள் வழங்கப்பட்டிருந்தமை குறிப்பிடத்தக்கது.


அரசு வாகனத்தை தவறான முறையில் பயன்படுத்தியதாக கைது செய்யப்பட்ட விடுதலை புலிகள் அமைப்பின் முன்னாள் கிழக்கு மாகாண தளபதியும், முன்னாள் அமைச்சருமான கருணா அம்மான் எனப்படும் விநாயக மூர்த்தி முரளீதரனை, வரும் டிசம்பர் 7-ஆம் தேதி வரை விளக்க மறியலில் வைக்குமாறு கொழும்பு மஜிஸ்ட்ரேட் நீதிமன்றம் உத்தரவிட்டுள்ளது.

கருணா கைது குறித்து படிக்க:முன்னாள் விடுதலைப்புலி தளபதி, கருணா கைது

Image captionகருணாவுக்கு டிசம்பர் 7 வரை விளக்க மறியல்

ஜனாதிபதி செயலகத்திற்கு சொந்தமான சுமார் 9 கோடி ரூபாவிற்கும் மேல் பெறுமதியான வாகனமொன்றை தவறான முறையில் பயன்படுத்திய குற்றச்சாட்டின் கீழ் பாரிய நிதி மோசடிகளை ஆராயும் விசேட போலீஸ் குழு முன் இன்று (செவ்வாய்க்கிழமை) காலை அழைக்கப்பட்ட கருணா அம்மானிடம் போலீசார் வாக்குமூலமொன்றை பதிவு செய்தனர்.

பின்னர், போலீசாரால் கைது செய்யப்பட அவர் கொழும்பு மஜிஸ்ட்ரேட் நீதிபதி முன் ஆஜர் படுத்தப்பட்டார்.

Image captionநீதிமன்றத்தில் ஆஜர் செய்யப்பட்ட கருணா

நீதிமன்றத்தில் கருத்துக்களை தெரிவித்த போலீசார், விசாரணைகள் பூர்த்தி செய்யப்படாததால் காரணமாக சந்தேக நபரை விளக்க மறியலில் வைக்குமாறு வேண்டுகோள் விடுத்தனர்.

அதற்கு எதிர்ப்பு தெரிவித்த எதிர் தரப்பு வழக்கறிஞர், அமைச்சு பதவி முடிவடைந்த பின்னர் சம்பந்தப்பட்ட வாகனத்தை மீண்டும் பெற்றுக்கொள்ளுமாறு சந்தேக நபர் ஜனாதிபதி செயலகத்திற்கு அறிவித்த போதிலும், அந்த செயலகத்தின் அதிகாரிகள் எந்தவொரு பதிலையும் வழங்கவில்லை என்று அறிவித்தார்.

கருத்துக்களை ஆராய்ந்த நீதிபதி, சந்தேக நபரை வரும் 07-ஆம் தேதி வரை விளக்க மறியலில் வைக்குமாறு நீதிமன்றம் உத்தரவிட்டது.

சந்தேக நபருக்கு பாதுகாப்பு தொடர்பான அச்சுறுத்தல்கள் இருப்பதாக அவரது வழக்கறிஞர் விடுத்த வேண்டுகோளை ஏற்றுக்கொன்ற நீதிபதி, சிறைச்சாலைக்குள் அவருக்கு விசேட பாதுகாப்பு வழங்குமாறு சிறைச்சாலை அதிகாரிகளுக்கு உத்தரவிட்டார்.


யுத்தத்தினால் உயிர்நீத்த உறவுகளை மாவீரர் என்ற பெயரில் அஞ்சலிப்பதால் தற்போதைய நல்லிணக்க முயற்சிகளே பாதிக்கும் என மீள்குடியேற்ற அமைச்சர் டி.எம். சுவாமிநாதன் தெரிவித்துள்ளார்.

எனவே உயிர்நீத்த உறவுகளை மாவீரர் என்ற பெயரில் நினைவுகூராமல் அவர்களை அஞ்சலிக்குமாறும் அமைச்சர் கேட்டுக்கொ ண்டார்.

சேர் பொன்னம்பலம் இராமநாதனின் 165ஆவது ஆண்டு ஜனன தினத்தை முன்னிட்டு தென்னிலங்கையின் காலி நகரில் எதிர்வரும் 30ஆம் திகதி விசேட நிகழ்வுகள் ஏற்பாடு செய்யப்பட்டுள்ளன.

இதுகுறித்து விளக்கமளிக்கும் ஊடகவியலாளர் சந்திப்பு இன்றைய தினம் முற்பகல் கொழும்பிலுள்ள மீள்குடியேற்ற அமைச்சில் நடைபெற்றது. இதில் சேர் பொன்னம்பலம் இராமநாதனின் பேரனும், மீள்குடியேற்ற அமைச்சருமான சுவாமிநாதனுடன் தென்மாகாண ஆளுநர் ஹேமகுமார நாணயக்காரவும் கலந்துகொண்டிருந்தார்.

இதன்போது மாவீரர் தின அஞ்சலிப்பு தொடர்பாக தென்னிலங்கையிலும், தமிழர் தாயகப் பகுதிகளிலும் பல்வேறு தரப்பினரால் நேர் எதிர் கருத்துக்கள் வெளியிடப்பட்டு வருகின்றன. 

இதுகுறித்து ஊடகவியலாளர்கள் இன்றைய தினம் மீள்குடியேற்ற அமைச்சர் சுவாமிநாதனிடம் வினவினர்.

இதற்கு பதிலளித்த அமைச்சர் சுவாமிநாதன், மாவீரர்களை நினைவுகூர்வதால் தமிழ் – சிங்கள மக்களிடையே ஏற்படுத்தப்ப ட்டுவரும் நல்லிணக்கம் பாதித்துவிடும். எனவே உயிர்நீத்த உறவுகளை மாவீரர் என்ற பெயரில் நினைவுகூராமல் அவர்களை அஞ்ச லிப்பதே சிறந்தது என்று தெரிவித்தார்.

செய்தியாளர் தேவை

இலங்கையில் , வெளிநாடுகளில்

செய்தியாளர்கள்

பண்ணாகம் இணையம்  2016ம் ஆண்டு தனது 10வது அகவையில்  மேலும் பலமாற்றங்களையும், பல்துறைஅனுபவம் கொண்டவர்களை இணைத்தும் ஒரு பாரியமாற்றத்தை ஏற்படுத்த முனைகிறது. இதன் காரணமாக அனைத்து  இடங்களின்   செய்தியாளர்களை  இணைக்கின்றது  செய்தியாளர்களாக பதிவு செய்ய விருப்பம் உள்ளவர்கள் தாம் எந்தெந்த இடங்களில்களில், நாடுகளில்  செய்தியாளராக கடமையாற்ற முடியும் என்ற விபரத்துடன் தமது சுயவிபரங்களுடன் தமது தற்போதய  புகைப்படம் ஒன்றையும் அனுப்பிவைப்பதுடன்  பின்வரும் விடயங்களைக் கவனத்தில் கொள்வது அவசியமாகிறது.

1) செய்தியாளர் இலங்கையில் / வெளிநாட்டில் வாழ்பவராக இருத்தல் வேண்டும்.(தேவையற்றதை நீக்கவும்)

2) செய்திகளை கனனி மூலம் தமிழில்   எழுதி,  மின்னஞ்சல் ஊடாக எமது இணையத்திற்கு அனுப்பவேண்டும். அவர்களுக்கு சொந்தமாக  E.mail Adderss இருக்கவேண்டும்.

3) செய்திளுக்குரிய  படங்களும் எடுக்கும் ஆற்றல் உள்ளவராக இருத்தால் நன்று

4) செய்தியின்  உறுதிப்பாட்டிற்கு   செய்தியாளரே பொறுப்பு வாய்ந்தவராக இருக்கவேண்டும்.

5)செய்தியாளராக முன்அனுபவம் உள்ளவர்களும்,ஆர்வமுள்ள புதியவர்களும் வின்னப்பிக்கலாம்:        செய்திப்பிரிவு   E.mail .-    [email protected]                        நிர்வாகம்    - [email protected]


  விண்ணப்பப் படிவம்-3

 செய்தியாளர் விண்ணப்பம்.   

பெயர் :- ……………………………………………………………………………………..
Name-………………………………………………………………………………………..
 முகவரி,Adderss:-(ஆங்கிலத்தில்)………………………………………………………………………………..
                                     ………………………………………………………………................. 
                                     ………………………………………………………………………………………
                                     ……………………………………………………………………………………….
பிறந்த திகதி:- …………………………………………………………………..................

திருமணமானவரா?:...      ஆம் / இல்லை

தொலைபேசி …………………………………    E-mail  ……………………………......  viber...................................................


கல்வித்தகமைகள்:.......................................................................

எந்த இடங்களில் செய்திகளைப் பெறமுடியும்.--------------------------------------------------------------


வேறு விசேஷ தகமைகள்: ............................................................

தற்போதய தொழில் : ...............................................................................................................

பண்ணாகம் இணையத்தின் செய்தியாளராக  இணைய எனது விருப்பத்தை இத்தால் தெரிவிக்கின்றேன்.

திகதி ,இடம்……………………….                       ……………………………………
                                                                                               விண்ணப்பதாரி கையொப்பம்

  ( புதியவர்கள் மாதிரிச் செய்தி ஒன்றை எழுதி விண்ணப்பத்துடன் அனுப்பவும்.)

பண்ணாகம் இணைய நிர்வாம், யேர்மனி 

 21.6.2012


எமது இணையத்தில் உள்ள CONTACT US  என்னும் பட்டனை அழுத்தி  அதன் மூலமும் பதிவுகளை அனுப்பலாம். 

 இலங்கையில் , வெளிநாடுகளில்

செய்தியாளர்கள்

தேவை

பண்ணாகம் இணையம்  2013 ம் ஆண்டு தனது 7வது அகவையில்  மேலும் பலமாற்றங்களையும், பல்துறைஅனுபவம் கொண்டவர்களை இணைத்தும் ஒரு பாரியமாற்றத்தை ஏற்படுத்த முனைகிறது. இதன் காரணமாக அனைத்து  இடங்களின்   செய்தியாளர் தேவை

செய்தியாளர்களாக பதிவு செய்ய விருப்பம் உள்ளவர்கள் தாம் எந்தெந்த இடங்களில்களில்,நாடுகயில்  செய்தியாளராக கடமையாற்ற முடியும் என்ற விபரத்துடன் தமது சுயவிபரங்களுடன் தமது புபை்படம் ஒன்றையும் அனுப்பிவைப்பதுடன்  பின்வரும் விடயங்களைக் கவனத்தில் கொள்வது அவசியமாகிறது.

 1) செய்தியாளர் இலங்கையில் / வெளிநாட்டில் வாழ்பவராக இருத்தல் வேண்டும்.(தேவையற்றதை நீக்கவும்)

2) செய்திகளை கனனி மூலம் எழுதி,  மின்னஞ்சல் ஊடாக எமது இணையத்திற்கு அனுப்பவேண்டும். அவர்களுக்கு சொந்தமாக  E.mail Adderss இருக்கவேண்டும்.

3) செய்திளுக்குரிய  படங்களும் எடுக்கும் ஆற்றல் உள்ளவராக இருத்தல் வேண்டும்.

4) செய்தியின்  உறுதிப்பாட்டிற்கு   செய்தியாளரே பொறுப்பு வாய்ந்தவராக இருக்கவேண்டும்.

5)செய்தியாளராக முன்அனுபவம் உள்ளவர்களும்,ஆர்வமுள்ள புதியவர்களும் வின்னப்பிக்கலாம்   E.mail - [email protected]

 எமது இணையத்தில் உள்ள CONTACT US  என்னும் பட்டனை அழுத்தி  அதன் மூலமும் பதிவுகளை அனுப்பலாம்.

-

 

  விண்ணப்பப் படிவம்-3

 செய்தியாளர் விண்ணப்பம்.                                               

பெயர் :- ……………………………………………………………………………………..
Name-………………………………………………………………………………………..
 முகவரி,Adderss:-(ஆங்கிலத்தில்)………………………………………………………………………………..
                                     ……………………………………………………………….................
                                     ………………………………………………………………………………………
                                     ……………………………………………………………………………………….
பிறந்த திகதி:- …………………………………………………………………..................

திருமணமானவரா?:...      ஆம் / இல்லை

தொலைபேசி …………………………………    E-mail  ……………………………......
கல்வித்தகமைகள்:.......................................................................

வேறு விசேஷ தகமைகள்: ............................................................

தற்போதய தொழில் : ...............................................................................................................

 

  பண்ணாகம் இணையத்தின் செய்தியாளராக  இணைய எனது விருப்பத்தை இத்தால் தெரிவிக்கின்றேன்.

திகதி ,இடம்……………………….                       ……………………………………
                                                       விண்ணப்பதாரி கையொப்பம்

  ( புதியவர்கள் மாதிரிச் செய்தி ஒன்றை எழுதி விண்ணப்பத்துடன் அனுப்பவும்.)

 

 

பண்ணாகம் இணைய நிர்வாம், யேர்மனி 

 21.6.2012